Popular Bible Verses from Ira Riva 1

Share

“Ghe ghau o age kuru ghau mana ghatu, ka ia meha suku ghau ia Tarunga Ta Maduana, o age va kahe ghidi ghu leghu noni nga ghinaguna ara aiani Zerusalemu, ka ia babarana kamoto Zudia, ka ia babarana Samaria gheremena mo, nia hae ghe hae ghu ka ira va nonoghana malau iahi peka, e ghua.”

“Eka mala avohori ghu ghau mu ira fafata, ba ira ravata tato kusu pata ghidi meha ia Mama ka ia nona mana,” neke ghua Zisas ungene tughurira.

Kaike fafata ka ia fafata mahai taremehadi maneri, manei neke toraina ungene va gigimari: “Oka ghahe kaini ghu Zerusalemu, nga o afa e vuhai vanamu ghu ia Mama ia Tarunga Ta Maduana neke naiungene ghinio manei, taghe nake va kahe ghini ghauno la sepao. Zone mu neke rivai seselebeana ka ketuhu, nga ka keha ravata nira lama, oto age seselebeana ghu ghau ka ia Tarunga Ta Maduana.”

Ka ira rodana ngavulu ravata leghuna ia vavahagala, ta leme ghu Zisas ka ia hekefalahata, manei neke podolo ghidi ira mane nonomoho tehi fafatani, ka ira ghaghahedi ta toraina mala hio va hohoghona maneri ghinina ia doli leghu ka taghona. Ka fafata iranimu manei neke tuturi vanadi ghinina ia Ravutu ka God.

Leghuna kahei lama manei iahi, neke to hio vonai ghu God ka kolangana, poika laona ka ira giliodi toba ka ia fafata mato ta au ghu maneri.

Ka ia fafata neke rizu vai vonao manei, dike mato dodoghohoto laono ghu maneri ka kolangana, heve ba ne ghua ma, neke to tetu ghu aianimu visi gheremedi mo, palu mane ta va vona poko ghiho. Kahe ghua tuna iahi dike ghua, “?Ghau mane mu Galili, heve no ghua ghe no tetu nga aiamu, mato vona laona ka kolangana fate? Zisas neke hio ghahe tamu lao iahi ka malauo God fate mu, e ke la leghu meha mo ghatu, taghe noke fininio la ka ia vona laona.”