Popular Bible Verses from Zone 19

Share

Leghuna ketuhi Zisas ia waeni, manei neke kahe ghua iahi, “!To hokoto!” neke ghua. Leghuna ianimu ghe neke turunguhu hinae nga tuna Zisas ia belehuna, neke nai vanani lao ghu God ia tarungana.

Zisas to avohi ira vahina leghutau nga dike to age hokoto. Taghe mala va ghuduvurira ghu ira Kakangava Ta Maduana mu, manei neke kahe ghua iahi, “Ara na parangoso.”

Ka ia fafata neke fini laoio manei nona uke tetu taremehanana ia mane nonofoi ta torai namaha ghini fuludu taghonai, Zisas neke kahe ghua iahi ka nona uke, “Fotati agho, manei lamu tuu manena agho.” Ianimu tuna ghe neke va kahe ghini lao nga ia mane ta nonofoi, “Manei lamu mu nou ukena agho.” Ka fafata ianimu vai vona ghu, ia mane nonofoi neke hio laoi Mere ka ia sugana taghonai mane ta nonofoi ini.

Ghe di la meha ghu ka Zisas, maneri dike finini neke to kusu lemena manei, dike deo ghu va gutorira ira ghahena. Kaike ghu ka ira mane magara, neke hioi kaike kolae neke va zoe ghini lao ghu ia ghaghahona Zisas, ianimu lama oraha kavena busaka nia ketuhu.

Leghutau neke dufu irahi mu, mala va ghuduvudi ira Kakangava Ta Maduana ta kahe ghua iahi, “E deo kaike ghu ka ira humana ta age gutona ghatu,” ia ta ghua, nia kehanani mu, “Maneri edi age mato laoi manei ia dike zoeio,” ia ta ghua, e ghua.

Zisas neke hure kakaikei ia hekefalahata neke lao ghu ka ia malau ta va kudo ghini malauna ia Pau. (Ka ungene Erameiki mu edi va kudo ghini Gologota).

Ira mane magara dike fihui kaike tarapae ka lolozo dike va vona ghini lao ghu ka ia belehuna Zisas. Ianimu tuna ghe dike va vona vanani lao nga kaike poko sodu ta omoꞌomo.