Popular Bible Verses from Matiu 3

Share

Va podoli ka ia dolimu, noto toraina taghuru kairi mamu ira sasakemu, noto fihiki lao ghu ka God, ta ghuana.

Ianimu tuna ghe neke la meha nga ia leo ka malauo God fate, kahe ghuana iahi, “Iahi mu ia Tuugu ta namaha ghini ara, na toraina va manemane ghini fuludu ghu.”

Ka ia leghuna seselebeanana Zisas ta ke kave meha ghu ka ia ketuhu, God neke tobehe vanani manei ia nona malau fate, neke fini ghu manei ia Tarunga ka God hinae meha taghe babahulu bora ta ghuana ta meha nohena ghu ka fatena taghonai.

“Ara a seselebeanari ka kolo heiri ira ta taghuru kairi ira sasakedi, ta fihiki lao ghu ka God. Ghe kaikeu ta toraina mana fuludu lao ka ara, e deo sepana e la meha ghu. Manei e toraina mana fuludu lao, e deo ghu ghe ga fata ghu ara ta mala posi vananina ira nona sadolo, taghe kaike noni mala varituhu ta ghuana. Manei e age seselebeana ghau ghatu ka ia Tarunga Ta Maduana nia ka totoi.

Ghatunaina nga ghe, ia malivi malana ia varifate ka God, to va tana mala keketerira ira zagharamu ghau. Uve, leghu heke ta deo nga gedi fua va veha ghu mu e age taraha kai hinaeri ghatu edi kai laori ghu ka ia totoi.

Zone lamu neke turi ghinio porofeti Aesaea kahe ghuana iahi, “Manei mu ia leo ta kudo ka ia malau koroghana ta karango: Va tanai ia hangana mala mehana ia Lod, Riva vanani ia hangana ta lotoro.”