Popular Bible Verses from San Lucas 10

Share

Jo'on la cac'beyex tulan awat'elic ta xpech'el ta teq'uel te chanetique soc te tsequetique, soc cac'ojbeyex te ya xju' awu'unic stsalel spisil yu'el te cajcontrotique. Jich ma'yuc bila ya yuts'inex xan xujt'uc.

Jesús la yalbey: —Marta, Marta, ja' nax baem ta awo'tan spasel spisil te bila pasel ya sc'ane. Ay awocol yu'un. Jun nax te bila ya sc'ane. Yan te María, la stsa stuquel te bila leque. Ma'yuc mach'a ya xpojbot yu'un jtuluc —xi'.

La yal te maestro yu'un te mandalile: —Te ts'ibubil jilele, jich ay: “C'ux me x'awaiy ta awo'tan te Cajwaltic Diose soc spisil awo'tan, soc spisil ach'ulel, soc spisil awip, soc spisil ap'ijil. Soc c'ux me x'awaiy te apat-axujq'ue, jich nix te bit'il c'ux ya awaiy aba atuquel te ja'ate”, te xie —xi'.

Jich la yalbey yaiyic: —Bayal me te c'ajoje. Yan te j'at'eletique, ma'yuc bayalic. Jich yu'un, albeyaic wocol te yajwal at'el te ya sticun ta at'el te j'at'eletique.

¿Mach'a me awaiy a ta yoxebalic te mero spat-xujc' c'ot soc te winic te tsacot yu'un te j'eleq'uetique? —xi' te Jesuse. Te maestro yu'un te mandalile jich la yal: —Ja' te mach'a la xc'uxtaye —xi'. Te Jesús la yalbey te maestroe: —Jich me xba apas uuc te ja'ate —xi'.

Baanic me jiche. C'otuc me ta awo'tanic te bit'il jich c'oemex te bit'il alal chijetic te ya jticunex bael ta bay yolil te jti'awal ja'mal ts'i'etique.