Popular Bible Verses from San Lucas 14

Share

—Te mach'a ya xtal ta jtojole, teme ma c'axuc jich c'uxon ta yo'tan a te bit'il te state, te sme'e, te yiname, te snich'nabe, te sbanquiltaque, te xwixitaque, te yijts'inabe, soc uuc te xcuxlejal ta q'uinale, ma xju' te jnopojel ya xc'ot cu'une.

Te mach'a ma sc'an ya xcuch scruz te ya sts'aclinone, ma xju' te jnopojel ya xc'ot cu'une.

Melel te mach'a ya yac' sba ta ich'el ta muq'ue, ma'yuc sc'oplal ya xc'ot. Yan te mach'a peq'uel ya yac' sbae, ja' me ya x'ich'ot ta muc' stuquel —xi' te Jesuse.

Ja' nanix jich te ja'exe, teme ma xawijq'uitay ta awo'tanic spisil te bila ay awu'unique, ma xju' te jnopojel ya xc'oex cu'une.

Teme ay jtul te ja'ex te ya ac'an ya apas muc'ul toyol ts'ajc', ¿ma bal neeluc ya anajc'an aba ta snopel teme tic' ya xju' a te jayeb taq'uin atsoboje? Melel teme ja' nax ya ajajch'es te yiptajibe, teme patil ma xju' awu'une, ya me slabanat spisil te mach'a ya yilique. Ya me yalic: “Te winique ma ju' yu'un sju'tesel te ts'ajq'ue”, xiic me.

Jich yu'un te c'alal ya apas q'uine, ja' me x'awic' tel ta we'el te mach'a ma'yuc bi ay yu'unique, soc jc'ojc'ol-c'abetic, soc coxoetic, soc ma'sitetic. Jich me bin nax awutsil yu'un, melel ma xju' yu'un te ya yac'bey spacol te ya yic'at ta we'ele. Ja'uc me to, ya me awich'bey stojol te c'alal ya xcha'cuxat soc spisil te mach'atic toj awo'tan soc ta stojol te Diose —xi' te Jesuse.

“Te ats'ame lec ta tuuntesel, ja'uc me to, teme laj te xchi'ile, ¿ya to bal xtuun xan? Ma xtuunix yu'un te lumq'uinale, soc ma xtuunix yu'un te c'a'al c'a'bale. Ja' xanix te ya yich' ch'ojel baele. Te mach'a ay xchiquine, ac'a me yaiy stojol ta lec —xi' te Jesuse.