Popular Bible Verses from Luka 6

Share

Fahun ɗufal mal, DeeƁwe ma wa fasu mal hwak. Hu wa mati kyalak sin mbwa' ani, si roi yis waya, si shuhi ta makuku. Ti ɓeleng tima hu mba ɗufali, a ti yit ɓelengi DeeƁwe ma wa mbasui ta hwak.”

Maɗufal manderei lang ya ti ɗamam maɗesi ta mulut ames, maɗufal mafwashi lang ya ti ɗamam mafwashi ta mulut ames. Ɓurtya aɗeng ima hya ta mulut i maɗufal, ayis lang ya ta fo ames.

Ɓwet hun som ima si nggwetu, mas hun yus maɗesi, fahun wufyar kaciwa' kintiɓwi nyai si yu wa muhum ti kyel. Ati andi hu wa wisti maɗesi hyang, ti masi andi kof nyai, hun a fe i Mambaitat, ɓurtya yis a ma masti maɗesi tasi ɗufal ima wa' si palang, hu som i mulwat mufwashani.

Ɗing hun shum i ɗufal fota ngga' ima Dee amu ta fit, ɗyang shum i ɗufal ta.

“Ka hu tot ɗeng ɓur hai kwa, ɓurti ka DeeƁwe totu ɓur. Ka hu nggul ɗeng ya kwa, ɓurtya kan DeeƁwe nggulu hun ya hwak. Shuhun ɗufal mafwashani ames ya, DeeƁwe ma wa shwaisu mafwashani amu ya.

“I laksu, hun ima hu halsun, ɓwet hun som ima si nggwetu, mas hun maɗesi tasi som ima si ɓwet ɗingsu kwa. Kin hun maɗesi tasi som ima si sya'ansu, hu fwal DeeƁwe ɓurti som ima si fa su shum.

Masa ɗufal aɗeng ima ha ɓweti si masai.

Na ɗeng paha na kapak i ucwa, hatata yus ti mapili hwak. Na ɗeng yis ɓweti kolsa ta wur i ɓur ɓa u mata godo ama ya, hona yus fagin asa hwak. Maɗufal ima fwala, Faha yus. Na ɗeng ha'a ɗama ya, kan ha nyus ɓa u humatikyel kwa.

“Gung ti yit muɗesi ti fai ma'al mafwashi kwa, angga'i nai hwak gung ti yit mufwashi ti fai ma'al maɗesi kwa.

Ka shang gung ti yit a ti musut i ma'al ima ti fai. Ɗufal si taang ma'al i makambong ta yit ti mburuk kwa, ahun al i manggɓu' ta yit ti aren kwa.