Popular Bible Verses from Luka 8

Share

Musut ima si fwar ta si ta' maɗesi ani, a som ima si mat findel i DeeƁwe ti mulut maɗesi hu mwawei, si kin tasi mulwat ames, ti ka'ti agung si fa macwa.

Musut ima si fwar ta aren wii ani, a som ima si hal findeli si mat ta mulwat, ɗak si cu wei ti ngye, tirim hu ramwayat i ɗam i naya, hu hal ti ɗat si ɓwi i naya vwere' us ya, kin si nggwes i ngye.

Musut ima si fwar ta afyai wi, a som ima si mat findel i DeeƁwe ti jakak, myan ima si hali, ɗak si yus kaciwa' mahuhur, si fa mwawei i myan ndyong je, ti wis ti amba, unai si fwarus.

Unai lul ta fe i ro amessi nyus, “Fati mulut amui ma a leya?” Unai myanat ti ka'us hyang, aɗengi fas shok na fo, unai si lul ta ɗiyai nyai, “A musut i nggi maɗufali mai, ima se hu gucuk i ham si hal findel ames si te cakat ya?”

Musut ima si fwar ta fisel ani a som ima si hal findeli, ɗak Shatan yes har findeli ya ta mulwat ames, ɓurti kandok si fa mwawei si wis mupwet.

“Shak ɗamam ima si mata mufot wi si wa matkof, shak ɗamam ima si ta mavo si wa matɓwai ya tasi kweneng.

Unai mbori ti ɗingi, ti wa mufoti kwa, ti lang ya lo' amet yis yus ɗaro, ti shu i mafwaran ta mabel i Yeso. Ti lakus ta wei i ɗufal shak aɗeng ima kin ti ngge'us, hu ngga' ima ti wis cala ta fo abet. Yeso lakut ni, “A al asun, fati mulut amesh kin shi wis cala. Shi ndok cala.”

Unai si wa si ɓushos si nyus, “A Dee, a Dee, kakan mbwish na ham wi!” Unai Yeso ɓusho lak sei hu gucuk i hami ɓin. Unai si katya, kyel ti te cakat.