Popular Bible Verses from Rom 2

Share

Ɓurti andi, na a ha maɗufal kek, ha lefti ɗufal ɓur tasi musut i mafwashi ima ha masani hwak, ha ɗingi ha wa pis ti ɓur i DeeƁwe haa? Ahun ha kom ti maɗesi mahyangi i DeeƁwe ya, hu fwang ti kyel, hu ka'ti agung ames, kaciwa' shangi nyai maɗesi i DeeƁwe ma dulsa ɓa u kola ta kyel ima ɓa ha hatat ta mafwashi ama ya?

Ɓurti andi, ha kat ti fo i findel kwa, ha ima ha ɗing ti mafwashani i shini ha lefsus ɓur hai, myan ima ha ɗing ti mafwashi i shini ha lefsus ɓur hai, ha lefti a haisai hwak, ɓurti ha ma lefti ɓuri ha masani andi hwak.

Ɓurti DeeƁwe mati ɓweti hai kwa.

Ɓurti andi, a som ima si hal ti anggut je, si mii munderei ta mabel i DeeƁwe kwa, a sin ima si masti ro ti angguti, DeeƁwe ma wa nyai sin a munderei.

DeeƁwe “ma wa tal ti ɗufal myatat kiga' hu roha ima si masi.”

Ɗak ma wa talsus ti futut muvwe'i, sin som ima si ɓweti haisus si nggwes ti mwawei, a mafwashi je.

Unai ɓurti njeng ti hai, hu mulut tima ti nggwet i hatat ta kyel i DeeƁwe, ha ma suɓut ti a haisa futut, yes mwen ti futut i DeeƁwe, myan ima ɓur asus munderei ti wa matkof.