Popular Bible Verses from Rom 4

Share

Shak ta andi, ha' fati mulut ames ya tasi kintiɓwi i DeeƁwe kwa, cuhus wei ti wis ti njeng si fati mulut ames hai, yis fati DeeƁwe ngye, te ti njeng i mulut nyai, DeeƁwe mati andok i hya ti kintiɓwi ames.

Fota ngga' ima si worong, “I kina ha te ii dee i ramam hyang.” Yis a demukan ta ɓwai i DeeƁwe, ima ka fa mwawei ii hai, DeeƁwe ima fai som ima si mot mupwet, ima lai ɗamam ima si na kwa si yes.

A ɓurti mafwashani amukan si fa Yeso ta ra i mot, si ha'us fit ti mupwet hwak, ɓa ka wis mute manderei ta mabel i DeeƁwe.

DeeƁwe fa Ibirai kintiɓwi i washash hyang. Myan ima ɗingi fota si wa hyai shak kwa, shak ta andi, Ibirai fa mulut si DeeƁwe hai. “Ɗak te ii dee i ramam hyang.”

Ɓurti andi, kintiɓwi mai yes ii ta fisel ti fati mulut, ɓa u te ii mal u fa njeng wa kyel i shak washash i Ibirai, a som i hya ti anggut kyek kwa, a som ima si fa mulut fota Ibirai hwak. Yis a demukan shak.

“Disyo' ma si som ima si shuhus mafwashi ames ya, si nitima. Disyo' ma si maɗufal ima Deembai ma wa muhum mbe'sus mafwashi ames hai kwa.”

Ami Worong lak ya? “Ibirai fa mwawei si DeeƁwe hai, si mbe'us ta saa ti som munderei ɓurti fati mulut ames.”