Popular Bible Verses from ᤛᤣ᤺ᤰᤕᤢᤰᤔᤡᤒᤠᤜᤠ᤹ 3

Share

ᤂᤧᤸᤗᤧᤆᤥᤃᤢᤸᤗᤧ ᤀᤠᤸᤗᤥ ᤂᤡᤏᤡ᤹ ᤗᤠᤕᤥᤗᤠᤶ ᤜᤡᤴᤍᤧᤶᤔᤧ᤹ᤀᤠᤱ ᤍᤠᤱᤒᤠᤀᤥ ᤏᤢ᤺ᤰᤂᤧᤶᤔᤧ᤹ᤀᤥ॥ ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ ᤗᤠᤕᤥ ᤗᤠᤛᤥ᤺ᤳᤜᤠ᤹ ᤔᤠᤒᤣ᤺ᤰᤏᤡ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢ ᤍᤠᤱᤒᤠᤗᤠᤶ ᤕᤠᤶᤛᤠᤶᤔᤥ ᤁᤧᤎᤢᤶᤒᤠ ᤐᤥᤱᤔᤠ ᤕᤧᤶ ᤋᤠᤏᤡᤖᤥ॥

ᤐᤋᤪᤢᤛᤖᤧ ᤔᤧᤳᤋᤢ. “ᤀᤡᤱᤃᤠ᤹ ᤌᤣᤀᤠᤱ ᤔᤧᤃᤳᤋᤠᤴᤗᤥ. ᤁᤖ ᤀᤡᤱᤃᤠ᤹ ᤌᤣ᤺ᤴ ᤁᤳᤋᤢᤱ ᤒᤠᤂᤧᤴᤏᤣ ᤐᤡᤏᤧ—ᤏᤠᤛᤖᤋᤛᤔᤠ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤡᤱᤅᤥ ᤂᤧᤏᤧ᤹ ᤐᤥᤃᤧ᤹ᤀᤠᤱ ᤗᤠᤱᤄᤣᤃᤧ᤹॥”

ᤜᤧᤰᤁᤩᤠᤱ ᤐᤋᤪᤢᤛᤖᤧ ᤂᤧᤴ ᤗᤠᤱᤛᤰᤐᤧᤸᤗᤧ ᤁᤢᤈᤢᤵᤛᤠᤱ ᤜᤢᤰᤁᤡᤴ ᤋᤧᤶᤛᤢᤀᤠᤱ ᤑᤥ᤺ᤰᤂᤢ॥ ᤜᤧᤰᤁᤣ᤺ᤸᤗᤧ ᤂᤧᤴ ᤔᤏᤠ᤺ᤸᤗᤧ ᤁᤢᤗᤠᤱ ᤏᤢ ᤁᤢᤗᤠᤱᤔᤡᤰᤁᤥ ᤌᤢᤶ ᤗᤠᤛᤧᤀᤠᤱ ᤐᤡᤆ᤻ᤆᤠᤰ ᤐᤡᤴᤍᤧᤖ ᤋᤰᤐᤧᤳ ᤕᤧᤶᤛᤡᤱ ᤜᤧᤰᤁᤩᤠᤱ ᤗᤠᤱᤄᤣ᤺ᤰᤔᤠ ᤜᤣ᤺ᤰᤋᤧᤖᤥ॥ ᤜᤧᤰᤁᤩᤠᤱᤃ ᤂᤧᤱᤃ ᤗᤠᤱᤄᤣᤃᤧᤖ. ᤐᤡᤆ᤻ᤆᤠᤰ ᤐᤡᤴᤍᤧᤖ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥᤛᤢᤖ ᤐᤋᤪᤢᤛ ᤜᤧᤰᤁᤩᤠᤱ ᤕᤢᤜᤢᤴᤏᤠ᤺ᤴᤏᤢ ᤔᤠᤱᤜᤡᤶᤛᤡᤃᤠᤱ ᤐᤣᤖᤥ॥

ᤜᤧᤰᤁᤩᤠᤱ ᤕᤧᤛᤢᤀᤥᤒᤠ ᤏᤛᤠ᤺ᤴᤏᤡᤸᤗᤧ ᤆᤥᤃᤢᤸᤗᤧ ᤁᤴ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤒᤠ ᤔᤏᤠᤴ ᤁᤧᤎᤢᤶᤒᤠ ᤐᤥ᤺ᤰᤂᤧᤒᤠ ᤁᤧᤏᤡᤛᤢᤶᤔᤠᤱ ᤁᤧᤘᤕᤡ᤹ᤖᤥ॥ ᤂᤧᤴ ᤕᤧᤛᤢᤀᤥᤒᤠ ᤏᤛᤠ᤺ᤴᤏᤡᤸᤗᤧ ᤁᤴ ᤔᤏᤠᤴ ᤒᤠ ᤂᤡᤏᤡ᤹ ᤋᤃᤡᤀᤣ ᤘᤣ᤺ᤳᤋᤧᤀᤠᤱ ᤘᤠ᤹ᤖᤥ॥