Popular Bible Verses from ᤗᤠᤶᤍᤡᤰ 15

Share

ᤜᤧᤰᤁᤩᤠᤱ ᤂᤢᤏᤧ᤹ ᤐᤠ᤺ᤳᤋᤢ. “ᤕᤜᤘᤣ ᤍᤠᤱᤒᤠ ᤂᤡᤏᤡ᤹ ᤀᤠᤒᤠᤅᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤒᤠ᤺ᤴᤏᤡᤴ ᤕᤧᤰᤕᤧᤰᤁᤠᤱ ᤁᤧᤄᤧᤵᤛᤢᤶ. ᤂᤢᤏᤧ᤹ ᤁᤢᤏᤡᤔᤥ ᤀᤠᤳᤋᤡᤴ ᤐᤠ᤺ᤴᤏᤡᤴ ᤁᤢᤍᤥ᤺ᤵᤔᤠ ᤆᤥᤰ ᤂᤧᤴ ᤁᤧᤈᤥᤃᤢᤶ. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤀᤡᤱᤈᤠᤱᤜᤠ᤹ ᤏᤡᤱᤘᤠ᤹ ᤁᤧᤒᤡᤖᤢᤶ. ᤂᤧᤒᤩᤠᤱ ᤂᤢᤏᤧ᤹ ᤁᤢᤎᤡᤶᤜᤠ᤹ ᤀᤡ᤺ᤵᤔᤠ ᤏᤠ᤺ᤵᤔᤠ ᤁᤧᤍᤧᤴᤍᤡᤏᤧᤓᤃᤪ. ᤀᤠᤱᤃᤠ᤹ ᤔᤡᤛᤪᤡᤜᤠ᤹ᤖᤧ ᤂᤢᤏᤡ᤹ ᤛᤶᤎᤠᤱ ᤋᤠᤖᤢᤱᤒᤠ ᤋᤢᤰᤔᤠ ᤗᤠ᤺ᤰᤔᤠᤜᤠ᤹ ᤂᤡᤏᤡ᤹ ᤛᤶᤎᤠᤱ ᤗᤳᤇᤠᤀᤠᤱ ᤔᤧᤍᤠ᤺ᤳᤋᤠᤴ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤁᤧᤘᤣ᤺ᤶᤒᤠ ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤠᤀᤠᤖᤥ॥”

“ᤕᤜᤘᤣ ᤍᤠᤱᤒᤠ ᤔᤢᤰᤛᤠᤶᤍᤠᤱᤒᤧᤸᤗᤧ ᤀᤠᤱᤃᤠ᤹ ᤏᤠᤱᤅᤠ ᤌᤣ᤺ᤰᤁᤠᤖᤥ. ᤂᤢᤏᤧ᤹ᤀᤣ ᤀᤠᤱᤃᤠ᤹ ᤋᤠᤱᤛᤧ᤺ᤵᤐᤠᤖᤥ॥ ᤂᤢᤏᤧ᤹ ᤀᤠᤱᤃᤠ᤹ ᤀᤠᤏᤡᤱᤘᤠ᤹ᤑᤢᤔᤠᤱᤗᤥ. ᤀᤠᤱᤃᤠ᤹ ᤂᤢᤏᤧ᤹ ᤁᤢᤏᤠᤖᤠ ᤑᤥᤛᤢᤱᤗᤥ. ᤂᤢᤏᤧ᤹ ᤀᤠᤱᤃᤠ᤹ ᤀᤠᤶᤒᤠᤖᤧ ᤁᤢᤏᤡᤱᤘᤠ᤹ᤑᤢᤔᤠᤱᤗᤥ ᤀᤠᤱᤃᤠ᤹ ᤛᤠᤶᤗᤥ ᤛᤠᤶᤔᤧᤳᤋᤢᤱᤅᤠᤱ ᤁᤢᤏᤠᤖᤠ ᤑᤥᤛᤢᤱᤗᤥ॥

ᤕᤜᤘᤣ ᤍᤠᤱᤒᤠᤀᤣ. ᤔᤠᤱᤜᤠ᤹ᤀᤥ ᤂᤧᤏᤧ᤹ ᤜᤧᤰᤋᤱᤒᤠ ᤜᤠᤳ ᤘᤠ᤹ᤒᤣ᥅ ᤛᤣᤛᤣ ᤛᤠᤱᤛᤠᤱᤅᤥ ᤂᤧᤏᤧ᤹ ᤜᤧᤰᤋᤱᤒᤠ ᤏᤡᤱᤘᤠ᤹ ᤁᤧᤔᤠᤒᤠ ᤜᤠᤳ ᤘᤠ᤹ᤒᤣ᥅ ᤜᤠ᤺ᤳᤗᤧ ᤂᤧᤏᤧ᤹ ᤜᤧᤰᤁᤣ ᤏᤡᤱᤘᤠ᤹ᤖᤧ ᤔᤧᤴᤎᤠᤵᤔᤏᤠᤒᤠ ᤏᤢ ᤔᤢᤰᤛᤠᤶᤛᤠᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤛᤢᤰᤋᤢᤒᤣ᥅

ᤔᤠᤱᤜᤢᤵ ᤁᤧᤈᤥᤃᤢᤒᤠ ᤐᤠ᤺ᤴᤏᤥ ᤀᤠᤍᤠᤱᤒᤠ ᤏᤛᤠ᤺ᤴᤛᤠᤒᤠ ᤁᤧᤈᤥ᤺ᤰᤗᤥ. ᤜᤧᤰᤁᤩᤠᤱ ᤀᤠᤍᤠᤱᤒᤠᤖᤧ ᤁᤧᤛᤧ᤺ᤵᤋᤢᤛᤡᤒᤠ ᤁᤧᤔᤏᤠᤜᤠ᤹ ᤆᤰᤔᤧᤸᤗ᤹ᤀᤣ ᤗᤢᤱᤔᤠ᤹ ᤁᤧᤍᤢᤰᤋᤢᤛᤡᤖᤥ. ᤀᤠᤍᤠᤱᤒᤠᤖᤧ ᤁᤧᤔᤢᤰᤛᤠᤶᤔᤡᤸᤗᤧ ᤂᤧᤱᤜᤠ᤹ ᤁᤧᤛᤣᤛᤣ ᤕᤢᤱᤔᤠᤍᤧᤴᤏᤥ ᤗᤠᤶᤃᤧᤗᤥᤛᤢᤛᤡᤖᤥ॥

ᤂᤧᤒᤩᤠᤱ ᤂᤧᤱᤜᤠ᤹ ᤔᤠᤖᤠ ᤔᤧᤵᤔᤏᤠᤒᤠᤍᤧᤴᤏᤥ ᤔᤧᤃᤧᤖᤧ ᤁᤖ ᤂᤧᤵᤔᤥᤒᤠ ᤆᤫᤠ᤺ᤳᤋᤡᤴ ᤛᤠᤰᤂᤡ᤺ᤰ ᤂᤡ᤺ᤰᤋᤧᤀᤠᤱ ᤜᤠ᤺ᤳᤗᤧᤀᤠᤱ ᤌᤢᤱᤔᤠ ᤔᤧᤴᤇᤢᤰᤋᤢᤴ॥ ᤂᤧᤸᤗᤧᤆᤥᤃᤢᤸᤗᤧ ᤂᤧᤴ ᤋᤧᤴᤏᤡᤴ ᤔᤠᤖᤠ ᤔᤡᤱ ᤔᤧᤘᤠ᤺ᤳᤋᤢ॥ ᤂᤧᤒᤩᤠᤱ ᤔᤏᤠᤜᤠ᤹ ᤔᤥᤛᤠᤴ ᤗᤧᤵᤔᤠᤱ ᤔᤧᤜᤡᤛᤡᤱᤅᤠᤱ ᤔᤏᤧᤎᤡᤰᤔᤠ ᤔᤧᤜᤣ᤺ᤰᤋᤧ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤰᤂᤣ ᤔᤧᤒᤠ᤺ᤳᤋᤢ. “ᤀᤠᤸᤗ ᤀᤠᤏᤡᤃᤣ ᤌᤣ᤺ᤴ ᤌᤢᤅᤢᤶᤒᤧᤒᤠᤒᤣ᥅” ᤔᤥᤛᤠ᤺ᤸᤗᤧ ᤕᤜᤘᤣ ᤍᤠᤱᤒᤠᤴ ᤁᤢᤗᤢᤱᤔᤠ᤹ ᤁᤢᤛᤥ᤺ᤶᤔᤠᤗᤠᤶᤔᤣ ᤐᤣᤗᤡ ᤑᤠᤰᤋᤢ ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤂᤢᤏᤧ᤹ ᤗᤳᤇᤠ ᤛᤡᤱᤓᤧᤸᤗᤧᤰ ᤌᤡᤰ ᤀᤥ᤺ᤴᤎᤠᤰᤋᤢ॥ ᤔᤥᤛᤠ᤺ᤸᤗᤧ ᤂᤧᤴ ᤛᤡᤱᤓᤧᤸᤗᤧᤰᤁᤡᤴ ᤆᤫᤠ᤺ᤳᤋᤥ ᤗᤠᤵᤑᤢᤛᤢ ᤁᤣ᤺ᤳᤋᤢ ᤂᤧᤒᤩᤠᤱ ᤆᤫᤠ᤺ᤳᤋᤡᤴ ᤌᤢᤱᤔᤠ ᤁᤧᤏᤢ᤹ᤒᤠ ᤐᤥ᤺ᤰᤂᤧ॥ ᤀᤠᤶᤓᤠ ᤂᤧᤴ ᤋᤧᤴᤏᤥ ᤕᤜᤘᤣ ᤍᤠᤱᤒᤧᤸᤗᤧ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤏᤡᤱᤘᤠ᤹ ᤛᤠ᤹ᤔᤠᤖᤧ ᤗᤠᤃᤡ ᤁᤴ ᤌᤡᤶᤔᤡᤴ ᤏᤢ ᤀᤡᤱᤈᤠᤱᤅᤡᤴ ᤐᤡᤖᤢᤛᤡ॥