Popular Bible Verses from ᤗᤠᤶᤍᤡᤰ 17

Share

ᤔᤥᤛᤥ᤺ᤸᤗᤧ ᤁᤢᤜᤢᤰᤁᤡᤴ ᤌᤥ ᤑᤥ᤺ᤰᤂᤢ ᤑᤳᤇᤢᤖ ᤌᤠᤖᤡᤰ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤔᤧᤏᤠ᤺ᤴᤍᤢᤛᤡ॥ ᤁᤖ ᤂᤢᤏᤧ᤹ ᤁᤢᤜᤢᤰᤁᤡᤴ ᤕᤥ ᤌᤠᤛᤢᤸᤗᤧ ᤀᤔᤠᤗᤧᤁᤡᤜᤠ᤹ᤖᤧ ᤔᤧᤏᤠ᤺ᤴᤍᤢᤛᤡ॥ ᤀᤠᤸᤗ ᤔᤥᤛᤠ᤺ᤸᤗᤧ ᤁᤢᤜᤢᤰᤁᤡᤴ ᤏᤠᤛᤧᤸᤗᤧ ᤂᤧᤱᤜᤠ᤹ᤖᤧ ᤗᤢᤱᤎᤡᤰ ᤔᤧᤍᤠᤖᤢᤀᤠᤱ ᤂᤢᤏᤧ᤹ ᤁᤢᤛᤡᤃᤠᤱ ᤔᤧᤏᤧᤛ᤻ᤛᤢ. ᤜᤧᤰᤁᤩᤠᤱ ᤂᤢᤏᤧ᤹ ᤂᤧᤸᤗᤧ ᤁᤢᤛᤶᤎᤠᤱ ᤕᤢᤱᤛᤡᤱ॥ ᤜᤠᤖᤢᤏᤧᤴ ᤏᤢ ᤜᤢᤖᤧᤸᤗᤧ ᤏᤠᤜᤠᤱ ᤏᤢ ᤁᤳᤏᤠᤜᤠᤱ ᤂᤢᤏᤧ᤹ ᤁᤢᤜᤢᤰᤁᤡᤴ ᤋᤰᤋᤧ ᤑᤳᤇᤧᤛᤢ॥ ᤁᤶᤓᤗ᤹ᤖᤡᤰ ᤏᤠᤶ ᤔᤧᤴᤎᤠᤀᤣ ᤌᤠᤖᤡᤰ ᤂᤢᤏᤧ᤹ ᤁᤢᤜᤢᤰᤁᤡᤴ ᤌᤎᤵ ᤔᤧᤸᤗ᤹ᤀᤣ ᤐᤳᤇᤧ॥

ᤀᤠᤱᤃᤠ᤹ ᤜᤥᤖᤣᤒ ᤁᤥ᤺ᤰᤔᤠᤀᤥ ᤗᤳᤇᤠ ᤕᤠᤰᤐᤣ᤹ ᤌᤡᤰᤗᤧ ᤁᤢᤍᤃᤡ ᤁᤧᤒᤣᤛᤠᤱ ᤕᤧᤵᤐᤠ॥ ᤂᤧᤴ ᤕᤠᤰᤐᤣ᤺ᤴ ᤂᤧᤏᤧ᤹ ᤜᤡᤵᤋᤧ᤹ ᤜᤧᤰᤁᤩᤠᤱ ᤂᤧᤵᤔᤥᤏᤢ ᤔᤏᤠᤜᤠ᤹ᤖᤧ ᤗᤠᤃᤡ ᤌᤢᤱᤔᤠ ᤆᤫᤠ᤺ᤳ ᤗ᤺ᤴ॥” ᤂᤧᤒᤩᤠᤱ ᤔᤥᤛᤠ᤺ᤸᤗᤧ ᤀᤡᤛᤪᤠᤀᤡᤗᤒᤠ ᤗᤠᤶᤗᤥᤒᤠᤜᤠ᤹ᤖᤧ ᤂᤢᤴᤇᤡ᤹ ᤋᤃᤡ ᤜᤧᤰᤁᤣᤀᤣ ᤆᤥᤃᤢ॥ “ᤕᤜᤘᤣ ᤍᤠᤱᤒᤠᤴ ᤀᤠᤏᤡ᤹ ᤗᤢᤶᤔᤥ ᤘᤠ᤹ᤒᤡ ᤔᤣ᤺ᤶᤒᤡ” ᤗ᤹ᤖᤡᤰ ᤀᤡᤛᤪᤠᤀᤡᤗᤡᤜᤠ᤹ ᤂᤧᤈᤧᤰ ᤔᤧᤈᤥᤃᤧ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤕᤜᤘᤣ ᤍᤠᤱᤒᤠᤴ ᤁᤢᤏᤡᤱᤘᤠ᤹ ᤔᤧᤛᤠ᤹ᤖᤢᤒᤠᤸᤗᤧ ᤆᤥᤃᤢᤸᤗᤧ ᤔᤥᤛᤠ᤺ᤸᤗᤧ ᤂᤧᤴ ᤋᤧᤴᤏᤡᤴ ᤔᤛ᤻ᤛᤠ ᤏᤢ ᤔᤣᤖᤡᤒᤠ ᤔᤡᤱ ᤘᤠ᤺ᤳᤋᤢᤖᤥ॥