Popular Bible Verses from ᤗᤠᤶᤍᤡᤰ 8

Share

ᤑᤠᤖᤥᤸᤗᤧ ᤁᤢᤃᤡᤳᤆᤠᤰ ᤁᤧᤈᤥ᤺ᤰᤐᤠᤜᤠ᤹ᤖᤧᤀᤠᤱ ᤔᤡᤰᤗᤧᤱᤔᤠᤗᤠᤶ ᤕᤠᤱᤏᤠᤜᤠ᤹ ᤋᤠ᤺ᤵᤔᤠ ᤔᤧᤃᤥ᤺ᤳᤋᤢᤛᤡ. ᤁᤖ ᤔᤧᤴᤇᤢᤰᤋᤢᤴ॥ ᤔᤏᤠᤜᤠ᤹ᤀᤥ ᤏᤢ ᤌᤰᤛᤠᤜᤠ᤹ᤀᤥ ᤕᤠᤱᤏᤠᤜᤠ᤹ ᤀᤠᤶᤓᤠ ᤔᤧᤒᤳᤇᤧ॥ ᤜᤧᤰᤁᤩᤠᤱ ᤁᤡᤳᤆᤠᤰᤜᤠ᤹ᤖᤧ ᤜᤠᤱᤅᤡᤴ ᤔᤧᤔᤧᤳᤋᤢ. “ᤁᤴ ᤕᤠ᤺ᤶᤒᤰᤁᤡᤱᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤒᤠᤖᤥ᥄” ᤁᤖ ᤜᤠᤱᤅᤡᤴ ᤜᤠᤒᤠ ᤜᤠᤍᤡᤱ ᤌᤰᤋᤧᤀᤠᤱ ᤕᤢᤅᤧ ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤐᤠ᤺ᤳᤋᤢᤒᤠ ᤜᤧᤰᤁᤣ ᤔᤥᤛᤠᤴ ᤏᤢ ᤜᤠᤖᤢᤏᤧᤸᤗᤧ ᤂᤢᤴᤇᤡ᤹ ᤐᤠ᤺ᤴᤏᤡᤴ ᤂᤧᤶᤔᤠ ᤔᤧᤍᤧᤴᤍᤧᤴᤗᤥ॥

ᤂᤧᤒᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. “ᤑᤠᤖᤥᤀᤥ ᤐᤣᤃᤧ᤹ ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤀᤰᤂᤣ ᤐᤠ᤺ᤳᤋᤢᤖ ᤐᤳ ᤔᤧᤳᤋᤧ᤹. ‘ᤀᤠᤱᤃᤠ᤹ ᤀᤠᤔᤏᤠᤜᤠ᤹ ᤐᤣ᤺ᤰᤔᤠ ᤑᤠ᤺ᤰᤋᤧᤛᤧ᤹ ᤜᤧᤰᤁᤩᤠᤱ ᤔᤧᤒᤣ᤺ᤰᤁᤠᤱ ᤂᤧᤱᤜᤠ᤹ᤖᤧ ᤀᤠᤱᤃᤠ᤹ ᤔᤠᤱᤛᤧᤘᤠ ᤔᤧᤔᤧᤳᤋᤠ॥

ᤀᤠᤸᤗ ᤜᤠᤱᤅᤡᤸᤗᤧ ᤐᤧᤍ᤺ᤰᤜᤠ᤹ ᤔᤧᤛᤩᤧᤒᤠ ᤏᤡᤛᤢᤀᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢᤒᤠ ᤜᤧᤰᤁᤣᤀᤣ ᤁᤢᤏᤡᤱᤘᤠ᤹ᤀᤥ ᤜᤠᤍᤡᤱ ᤌᤰᤔᤠ ᤜᤣ᤺ᤰᤋᤧ ᤜᤧᤰᤁᤩᤠᤱ ᤔᤥᤛᤠᤴ ᤏᤢ ᤜᤠᤖᤢᤏᤧᤸᤗᤧ ᤂᤢᤴᤇᤡ᤹ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤴᤗᤥ॥

ᤂᤧᤏᤧ᤹ ᤔᤏᤠᤜᤠ᤹ ᤐᤣ᤺ᤰᤔᤠ ᤁᤧᤶᤓᤠ᤺ᤰᤋᤢᤛᤡᤴᤏᤧᤓᤃᤪ ᤀᤠᤱᤃᤠ᤹ ᤂᤧᤏᤧ᤹ ᤁᤧᤖᤧᤰ ᤁᤧᤗᤠᤈᤣ᤹ᤀᤥ ᤐᤧᤍ᤺ᤰᤜᤠ᤹ ᤐᤠᤱᤄᤢᤱᤛᤡᤱᤅᤠᤱ ᤋᤢᤰᤂᤣ ᤆᤠ᤺ᤳᤏᤧ॥

ᤕᤠᤶᤔᤥ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. “ᤜᤠᤖᤢᤏᤧᤴ ᤔᤧᤳᤋᤧ᤹. ᤂᤢᤏᤧ᤹ ᤁᤢᤍᤰᤁᤠ᤺ᤳᤋᤡᤸᤗᤧ ᤂᤠᤶᤒᤠᤱᤅᤡᤴ ᤜᤡᤵᤋᤢᤖ ᤜᤧᤰᤁᤩᤠᤱ ᤔᤡᤛᤪ ᤗᤠᤈᤣ᤹ ᤁᤧᤖᤧᤰᤐᤠ ᤂᤠᤶᤜᤡ᤺ᤰᤜᤠ᤹ ᤕᤠᤱᤏᤠ ᤔᤢᤈᤡᤰ ᤔᤧᤒᤥᤱᤗ॥”

ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤑᤠᤖᤥᤸᤗᤧ ᤁᤢᤜᤡᤶᤔᤥ ᤏᤢ ᤛᤢᤜᤠᤱᤃᤧᤶᤒᤠᤜᤠ᤹ᤖᤧ ᤂᤢᤴᤇᤡ᤹ ᤜᤡᤶᤔᤥ ᤛᤡᤈᤠᤜᤠ᤹ ᤛᤠ᤹ᤖᤡᤰ ᤕᤖᤡᤰ ᤁᤢᤒᤴᤈᤩᤠᤱ ᤁᤢᤒᤴᤈᤩᤠᤱ ᤐᤠᤱᤄᤢ ᤋᤠᤛᤢᤛᤡ॥ ᤛᤡᤈᤠᤜᤠ᤹ᤖᤧ ᤔᤡᤛᤪ ᤗᤠᤈᤣ᤹ᤀᤥ ᤁᤧᤖᤧᤰ ᤛᤰᤔᤠ ᤜᤡ᤺ᤰᤜᤡ᤺ᤰ ᤔᤧᤔᤧᤳᤋᤢ॥