Popular Bible Verses from John 10

Share

Sema mahibot, nakimowan alin mengibot, memono, tan menechal. Nem si-kak, kimowanak ali say may-i-kanan i too na biyag a nagwariy kay-ingesan to.”

Kigwan mowan Jesus i “Si-kak i mapteng a naiyanbantay na kalniro. Sema mapteng a naiyanbantay, i-kan toy biyag to para cha kalniro tho.

Sema iren kalnirok, nainki-ngelan chiy esel ko. Amtak ira et naiyonod chaak.

I-kanan ko ira na biyag a nagwariy pengingkaan to, et eg ira maysi-si-jan cha Afo Chiyos. Nagwariy mahapingil iren man cha si-kak.

Si-kak iwa pasbol. Angken siyen toon onsekep babaen cha si-kak, maysalakan. Sema toon maysalakan, may-arig cha kalniron egwayen onsekep tan on-awas cha koral et naiyaypastol cha edo-do-betan.

“Si-kak i mapteng a naiyanbantay na kalniro. Sema pengamten Awak cha si-kak tan sema pengamtak cha Awak, inges ngon man i pengamtak iren ma kalnirok tan sema pengamta iren ma kalnirok cha si-kak. Et i-kan koy biyag ko para cha kalnirok.

Si Awak a engipiyal iren man cha si-kak, mas ekayang iy say emiin. Et nagwariy mahapingil iren man cha si-katho. Si Awak tan si-kak, sa-sa-ki kawi.”

“Si-kak i mapteng a naiyanbantay na kalniro. Sema pengamten Awak cha si-kak tan sema pengamtak cha Awak, inges ngon man i pengamtak iren ma kalnirok tan sema pengamta iren ma kalnirok cha si-kak. Et i-kan koy biyag ko para cha kalnirok.

Nagwariy mahabonod si-kak no ekak itolok, no diket i-kan koy biyag ko tep seman i piyan ko. Gwariy panakabalin kon mengi-kan na biyag ko, tan gwara ngoy panakabalin kon mengoli na biyag ko. Tep seman i inbilin Awak cha si-kak.”

Et in-arig mowan Jesus a kigwan to i “Sejay a konen kod si-kayo, podnon si-kak i pasbol a nasimekepan na kalniro.

Sema toon edagboan a manbantay na kalniro, nat si-kathoy podnon naiyanbantay tan nat si-kathoy mahakalniro. No menakmang na emanekot a animal a mankokowan ali, ipekday to ira ma kalniro et onbetik iwa too. Et kedathen niwa emanekot a animal ira ma kalniro, et mesidak ira.

Et in-arig Jesus a kigwan to i “Sejay a konen kod si-kayo, podnon no gwariy koral na kalniro, et nat manchedan i tood ma pasbol to, no diket onkalab cha alad to, mahibot tan tolisan iwa too.