Popular Bible Verses from GENESIS 37

Share

Ma sui mado so lalakwee arasi nia, moosubole, ka faaroṉoa thoona kera: ma keka bii riki nia ka taa ka tatha.

Ma tha Isirela e liothau atha Josefa ka tatha ana liothau lana ana baree wela nia ki sui bana, uria ne kwalafi nia asi maṉa ne arai naa: me thauwai nia tooni ifana ana kasi maku oro ki ne mogolilia.

Ma si maṉa na thoona kera kera rikia na maka kera e liothau ani nia ka tatha ana liothau lana ana thoona kera sui bana, keka riki nia ka taa, ma kera dora ana mai tasi faṉa iamu

Ma nia ka moosubolea tee moosubole lau, ka faaroṉoa thoona kera, ka una eri, Rikia fasi, ni nau ku moosubolea lau ta moosubole; ma, rikia fasi, thato ma madami ma tee tafulu fa bubulu tee fa bubulu, kera gwau toli uri nau.

Ma thoona kera kera ugalia; maka nia molo ka lalomatoona si ṉataa eri i ruruuna.

Ma nia ka soree isada, Nau ku thathamia muki roṉoa fasi moosuboli nei na ni nau ku moosubolea: Uria na, rikia fasi, kulu kuka kani fafia ifii koni la ra, ma lio fasi, ifii koni nau ka tatae, ka takwe kokoto lau boo; ma, rikia fasi, ifii koni kamulua ki keka takwe kakalia, ma keka gwau toli uri theegano isana ifii koni nau eri.

Mania kulu kau, kulu thauṉia, kuki ṉana ania uri lala ta malau, ma kuki una eri, Ta do maruki ne taa e dudumeme ania: kuka rikia fasi moosubole nia ba ki ka mamana, mado ka a’i.

Ma tei toa i Midiana na keka usi do ana todado la ki, keka tatha sula tala; ma kera abaa tha Josefa, keka tafoa mai faisia malau eri, keka usi atha Josefa ifana toa eki ana kwalafaa tha Isimela, usi lana ro tafulu malefo asi silifa. Ma toa eki keka talaia tha Josefa uri Ijifi.

Ma keka soree uri kera kwailiu, Rikia fasi, wane nei ni moosubole la kai lae na mai.

Ma si maṉa na kera riki nia ni da u mai, asi maṉa eri mena ne a’i si fula u mai karaṉi kera, keka bii furia ṉataa fafi nia fasi keka thauṉia.

Ma tha Rubeni ka una eri isada, Musi adea ’abuna ka igwa; muki naṉa ani nia uri la malau na ni fanua kwasi nania, musi thauṉia ana abamulua: fasi kai faamaruki nia i abada neri, kai falea lau bana ifana maka nia.