Popular Bible Verses from Luke 6

Share

Muki fale, ma keki fale iamulua; do ni olotooa kai fuṉu lea, na kera feledudua, ma kera isua ka ofu tee si kula, ma kai olomaaliṉa, keki falea i ruruumulua. Uria si do ni olotooa na muki olotoona si do ania, si do eri keki olotoona lau ifamulua.

Wane lea kai ṉalia mai si do lea ki ana ogogonia lea i ruruuna; ma wane taa kai ṉalia mai si do taa ki ana ogogonia taa i ruruuna: sulia fokona kai ṉata asi do ne oro i ruruuna.

Muki liothau ana maalimae kamulua ki, ma muki abula lea, ma muki falea si do na keki duua, musi onotoona lau ṉali lana ta si do i maana; ma kwaiara kamulua kai baita, ma ni kamulua kaluwane Nia ne Inoto ka tatha ki: uria nia kai ade lea ifana toa na kesi sore lea bia toa na kera taa.

Mania muki tatakomi, ka ’uria Maka kamulua kai tatakomi.

Musi ṉata mala wane ni kotu sulia imole, ma wane ni kotu toto si ṉata suli kamulua: musi sorea kwae lana imole, me ai kesi sorea kwae lamulua: muki manata lube, ma keki manata lubea abula lamulua.

Ma nau ku soree isamulua, toa na muki roṉoi, Muki liothau ana maalimae kamulua ki, muki ade lea ana toa na kera riki kamulua ka taa, Muki falea lea la ifana toa na kera alua taa la kai to fafi kamulua, ma muki foa fasi toa na kera fare taa iamulua.

Ma si do na mulu thathamia imole keki ilia ifamulua, muki ilia lau boo ifana imole ka una eri lau boo.

Ma wane na kai fidalia babalimu, oko falea ruana babali ifana; ma wane na kai ṉalia tooni i thara oe, osi lufia tooni lalo oe lau boo faisi nia. Oko fale ani tei na kai gani oe; ma wane na kai ṉalia si do oe ki, osi gania lau uria.

Uria ne ai ta ’ai ne lea si fuṉu ana fuṉii do taa; bia e ai ta ’ai ne taa si fuṉu ana fuṉii do lea.

Uria ’ai ni sui bana keka thaitoomana ana foana lau bana. Uria imole e ai kesi fufusia thakwari ana kwarafifi, me ai kesi fufusia foana faene ana ’ai totora.