Popular Bible Verses from Luke 8

Share

Ma si do i fafona si gano lea, kera neri na kera roṉoa si baea eri ana ruruuna imole ne nunufa ma ka lea, keka rau ṉado ania, ma keka fuṉu ana foee do asi lio ni susuu la.

Ma si do ne asia i maalutana kwarafifi ki, kera neri na kera roṉoa, keka lae nada, ma si do na kai oga kera ki ma inotoa ma si do na kai faalea imole ana to lada i fanua nei iano kai suusi kera, me ai kesi fuṉu ana lea la.

Ma si do i fafona fau na toa eki na, si maṉa na kera roṉoa, keka ṉalia si baea eri ana seethathala la; ma ni kera e ai ada ta lalii do, na keka fitoo sulia ta kasi maṉa faekwa, ma asi maṉa ana bae aliṉa la keka asi kera.

Ma nia ka soree isada, Nifenia fitooa kamulua? Ma kera mau, keka kwele, keka una eri kwailiu uri kera, Wane ufita nai nia? uria nia kai ṉata isana thauthau ni mena ma amali, ma keka ade sulia bae lana.

Si do ba ki i ninimana tale na toa na kera roṉoa naa; sui tha devil ka fula, ka ṉalia si baea eri faisia ruruuda, ada keki fitoo ma keki faamarukida.

Uria ne ai ta si do kera thu agwa fafia, na toto kesi fatai nia; me ai ta si do kera thaufunia, na toto kesi thaitoomana ma si to lalaa.

Ma si maṉa na kini eri e rikia na nia e ai si thaufuni naa, nia ka lae mai, kai leleba, kai aru inaofana ma ka faaroṉo inaofana toa eki sui bana asi do ne sua nia uria, ma ka faaroṉo ania ne maruki si maṉa eri u boo. Ma nia ka soree isana, Thari nau ae, kai lea i manatamu; fitooa oe e faamaruki oe; oki lae ana enenoa.

Ma kera fula isana, keka tharasia, ma keka una eri, Wane inoto, wane inoto, kulu mae naa. Ma nia ka tatae, ma ka sorea thauthau bia lulua baita: ma keka sui, ma amali ka daununu.