Popular Bible Verses from เพรโด่แนพู๊ เต๊เห่ 16

Share

เร๊อ เหย่ซี เฮ๊ฉื่อ ลู เน๊อ, “หยื่อเอ่แลแค แบ่เจ่ เหย่ซู่ เออเนอ, เร๊อ เน เด๊อ แกแย เด๊อ อา จว๊า โอ่ลอเกอ เร๊อ เน เด๊อ เนหี่กู เต๊เห่เนอ, อา เก่ พย๊าหนิ ดื่อ เตเมแลเปล๊กา ปา.”

เบ๊อะเหมาะเนเคเนอ, คูเปาโล เร๊อ คูสิลาส กุยจ๊อเบ เร๊อ อิโร ถู่เซ๊แถ่ จอแปแหร่ อาเค, แกแย โอ่ เด๊อ ทอกู เต๊เห่ หนิดา แลแค เหย่ซี เตกุยจ๊อเบ เต๊เห่ เร๊อ เหย่ซี เตอิโร เต๊เห่. เออโตโพ๊เรอ เตเน่วท๊อดี แถ่คย๊า เร๊อ อา ท๊อ ฉว่าแหน่เจ๊อ เร๊อ เหล่ด๊อ โอ่อาทอ แก่ช๊า เออเนอ อา โกโยโต่ ลอ เจ๊อ. เบ๊อะเนอ โตโพ๊โต, ทอ กู่ดาดุ เต๊เห่ ลูโมแถ่ หนิเร๊อ ลอดื่อ อาเหน่. โท๊โต่ ล๋อ สู่เปลอต่อเท๊ เด๊อ อู จอหม่า เร๊อ อู ด๊อโอ่ แกแย เต๊เห่เนอ, อา แลโล๊ เถ่แก หนิ เร๊อดื่อ ลอ อาเหน่.

อา เมฮู๊เนอ โทเร๊อ อา เอ๊เถ่ คูเปาโล เร๊อ คูสิลาส เด๊อ อากลอ เร๊อ อา แด๊เฮอ เหย่ซี เน๊อ, “โป่แหว่ ซี๋, แซ่ฮู๊ แว เก่ พย๊าหนิเกอ เตแลเปล๊กา อาเงเนอ, แว โตเบ่ เมฮู๊เต?”

เบ๊อะเพรโอ่ป่อทอ กู่กล๊อ เออเตเพร ซิเหน่แถ่ เร๊อ อา แม๊เถอะ เร๊อ ทอด๊อ กู่ดา ลูโม เบ๊อะเนอ, อา เตเน เน๊อ อูตาทอ เต๊เห่ แกล่เถ่เปล๊ ลอเฮ๊อ เร๊อ อา บ๊าเถ่ อาเน๊ เร๊อ อา เตเร ชือเซอ เกอ เร๊อ อาเหน่. เบ๊อะเนอเค คูเปาโล เอ๊โทจว๊า ลู เน๊อ, “ชือเซอ เร๊อดื่อ เนเหน่ แต่เหม่. เป โอ่ ลอปลี เบ๊อะเออ แพ๊.”