Popular Bible Verses from ลูกา 4

Share

“จอแปแหร่ แหย่โยบูโพ๊แบ่เจ่ โอ่ เด๊อ แวกู, เมเตเฮ๊เรอ อา นว๊าแถ่ เฮ๊อ แว เร๊อ แว เก่ แด๊โฉ่ เป่ แกแย โซพ๊าโซแรฮู๊เต๊เห่ เร๊อ เตซิครือมีลา เออเนอ เฮ๊อ. แกแย เด๊อ อู ปื่อ ด๊อโอ ลู เด๊อ ทอกู เต๊เห่ อา พย๊าหนิ เตเมแลเปล๊กา อาเง, แกแย เด๊อ อา เป๊เส่คี๊ เต๊เห่ อา เป๊เส่ลี กาคยา อาเง, เร๊อ แกแย เด๊อ อู เมจาเมจือ ลู เต๊เห่ เก่ พย๊าหนิ เตเมแลเปล๊ กา อาเงเนอ, อา นอแฮ เฮ๊อ แว เด๊อ แว เก่ แด๊โฉ่ เป่ เหย่ซี เฮ๊อ. โท๊โต่ จอแปแหร่ นอแฮ แว เด๊อ แว เก่ เฮ๊โฉ่ซิเง เป่ อู เร๊อ แบ่เจ่ เก่ เตเมแลเปล๊ กา เกอเร๊อ อาแกแย เนอ เบ๊อะแฮโต่เฮ๊อ.”

แบ่เจ่เหย่ซู่ เฮ๊ฉื่อ ลู เน๊อ, “จอแปแหร่ อาลาอาโหง่ เฮ๊ ฮู๊เออ, ‘จ๊อเบแถ่ แพ๊ดื่อ ตื๊อ เน แบ่เจ่ จอแปแหร่ เร๊อ แรแพ๊ตื๊อ อาเตแร แพ๊ นี๋,’” อา เฮ๊ ฮู๊เนอ.

เร๊อ เหย่ซู่ เฮ๊ฉื่อ อา เน๊อ, “จอแปแหร่ อาลาอาโหง่ เฮ๊ เน๊อ, ‘แกแย เซอเพร ตื๊อแพ๊ เร๊อ เหล่เอ่เหล่โอ เนอ หม่าโต่.’”

เบ๊อะแบ่เจ่ เหย่ซู่ โอ่ เด๊อ เทอแลโหมะจอร์แดน เร๊อ อา กา เบ๊อะเนอ, อา เล๊อบา เร๊อ แหย่โยบูโพ๊แบ่เจ่. เร๊อ แหย่โยบูโพ๊แบ่เจ่ โอ่เกอ เร๊อ ลู เร๊อ อา ซูจว๊า ลู เด๊อ เก่เชเทอแก หล่อตาม๊าขุ.

หม่าแน๊เรอ เหย่ซู่ เฮ๊ฉื่อ ลู เน๊อ, “จอแปแหร่ อาลาอาโหง่ เฮ๊ เน๊อ, ‘เน เบ่ ทื๊อแม๊ เน แบ่เจ่ จอแปแหร่ โต่.’”

เบ๊อะโลเน๊ กู่กล๊อ อิลออี๊โหล่ ปวา โทลอ เฮ๊อ แบ่เจ่ แบ่เจ่เหย่ซู่ อาเบ๊อะเนอ, โลเน๊ กู่กล๊อ เถ่จว๊า ตาพาแก เฮ๊อ เหย่ซู่ เตอเปลอฮู๊ เร๊อ อา โอ่ป่อแม๊ โป่ โต่เด๊อ เบ๊อะแร๊ เด๊อ อา เก่ อิหล่า คยาแซ๊ ลู โตโพ๊.

โทเร๊อ โลเน๊ กู่กล๊อ เอ๊จว๊า เหย่ซู่ เด๊อ เหล่โอ่แถ่โล โต๊โผ่ เร๊อ อา เด๊อะโล ลอ ลู เด๊อ อูเทอเก่ เด๊อ อา โอ่ เด๊อ เห่ขุ เออเนอ ปว๊าโต๊โผ่. โลเน๊ กู่กล๊อ เฮ๊ อา เน๊อ, “เตอเรอฉว่าชอ ล๋อปลี เออเต๊เห่ เร๊อ เตดุแหย่แถ่เซ เออเต๊เห่เนอ, แว เก่ เด๊อ เร๊อ เน ปา. ล๋อ เออเต๊เห่ เนอหม่า อา โอ่ ลอเฮ๊อ เด๊อ แว กู๊ยากู เฮ๊อ, แว เก่ เด๊อะเป่ แกแย เด๊อ แว ซิหยื่อ เด๊อ ลู เนอเต๊เห่ ปา. ฮู๊เนอเรอ เน เก่ จ๊อเบแถ่ แว เฮ๊เนอ, ล๋อ เออเต๊เห่เนอ แว เก่ เด๊อ ลอ เร๊อ เน ปา.” แบ่เจ่เหย่ซู่ เฮ๊ฉื่อ ลู เน๊อ, “จอแปแหร่ อาลาอาโหง่ เฮ๊ ฮู๊เออ, ‘จ๊อเบแถ่ แพ๊ดื่อ ตื๊อ เน แบ่เจ่ จอแปแหร่ เร๊อ แรแพ๊ตื๊อ อาเตแร แพ๊ นี๋,’” อา เฮ๊ ฮู๊เนอ.

โทเร๊อ โลเน๊ กู่กล๊อ เอ๊จว๊า ลู เด๊อ วีเยรูซาเล็ม เร๊อ อา นอแก๊แถ่โอ่ ลู เด๊อ เตหลู่แตโฮกู อาหี่ กู่กล๊อขุ เด๊อ อา แถ่โลเล๊อ โต๊โต่ เร๊อ อา เฮ๊ ลู เน๊อ, “เน เก่ หม่า จอแปแหร่ อาพู๊คู เตเพร เฮ๊เรอ อี๊ฉ่าตา มอ! เมเตเฮ๊เรอ, จอแปแหร่ อาลาอาโหง่ เฮ๊ เนอ, ‘จอแปแหร่ นอ แม๊ตู่ โตโกเตเกหนิเกอเร๊อ เน เร๊อ อา เตเน่วม๊อขุ เต๊เห่ ปา.’ โท๊โต่ อา เฮ๊ โป่ เนอ, ‘แซ่ฮู๊ เน กู๊โด่ อา ต่าเบ่ เร๊อ หล่อ เตเม เนอ เหย่ซี อา แพ๊แถ่ฉื่อดื่อ เน ปา.’” หม่าแน๊เรอ เหย่ซู่ เฮ๊ฉื่อ ลู เน๊อ, “จอแปแหร่ อาลาอาโหง่ เฮ๊ เน๊อ, ‘เน เบ่ ทื๊อแม๊ เน แบ่เจ่ จอแปแหร่ โต่.’”