Popular Bible Verses from มัทธิว 19

Share

แบ่เจ่ เหย่ซู่ แม๊ตู่ แต่ เหย่ซี เร๊อ อา เฮ๊ เหย่ซี เน๊อ, “แกแยเห่ขุพู๊ เมแลเปล๊ แจ่ เกอเร๊อ อาเหน่โต่ ตื๊อดื่อเรอ, จอแปแหร่ เมแจ่เต ปว๋า เต๊อเจ่อ.”

ฮู๊เนอเรอ เหย่ซี หม่า แกแย ซิเนอ หม่าปาโต่เฮ๊อ. อา ทวาแถ่เฮ๊อ ลู เตเพรเพร่ว เฮ๊อ อาขว่าอาคยา, เต เด๊อ จอแปแหร่ แด่ โอ่เต่อ ลู เนอ, แกแยเห่ขุพู๊ นอ เบ่ นอ โอ่แก หนิ ลูเต เพร๋ โต่.”

แบ่เจ่ เฮ๊ฉื่อ เหย่ซี เน๊อ, “เด๊อ เห่ขุทวาลู่ ม๊อขุทวาเซ เบ๊อะเนอ, ‘จอแปแหร่ แบ๊แล ตื้อ แพ๊ เพรคู เตเพร เร๊อ เพรเหมาะเตเพร แพ๊’ เนอหม่า ซี แด๊น๊อ เกออู โต่ แอ? โทเรอ, จอแปแหร่ อาเฮ๊ เนอ, ‘เมฮู๊เนอเรอ, เพรคู เออเนอ อา เบ่ แด่แก อาโหมะอาเพ เร๊อ อา เบ่ จว๊า โอ่เต่อเกอ เร๊อ อาเม, เร๊อ แกแย เออซิเนอเนอ อา ทวาแถ่เฮ๊อ เตเพรเพร่ว แพ๊ เฮ๊อ.’

เร๊อ แบ่เจ่ เหย่ซู่ เฮ๊ เหย่ซี เน๊อ, “ปลวาแฮ เป๊เจ่พู๊ เนอเต๊เห่ เด๊อ แวโอ่เออ, เมตาตือ แต่ เหย่ซี แต่เหม่, เมเตเฮ๊เรอ ม๊อขุ อาเทออาเก่ เนอหม่า แกแย เด๊อ อา แด่หยว่า อาซิปล่อ แซ่เน๊อ เป๊เจ่พู๊ เออเนอเต๊เห่ อาเตเฮ๊อ.”

หม่าแน๊เรอ แกแย โอ่ เด๊อ เงเล๊อ อู เต๊เห่เนอ, อา เก่ โอ่แก เด๊อคยาเล๊อ อู ปา, เร๊อ แกแย โอ่แก เด๊อคยาเล๊อ อู เต๊เห่เนอ อา เก่ โอ่ เด๊อ เงเล๊อ อู ปา. เหย่ซู่ เฮ๊ เป่ เหย่ซี ฮู๊ เนอ”

โท๊โต่ อูเปเป๋ เบ่เบ่, เด๊อ แวขว่า แวคยาเรอ, อา แด่แก อาหี่อาเพร๊ เบ่เบ่, อาโป่อาแหม่ เต๊เห่ เบ่เบ่, อาโหมะอาเพ เบ่เบ่, อาพู๊ อาเลอ เต๊เห่ เบ่เบ่, อา เก่ พย๊าหนิ เอ๊เล๊อ ปา เจ๊อ เร๊อ อา แด่แก เนอเต๊เห่ อาโพ๊ เด๊อ อาเยกู ปา, โทเรอ อา เก่ พย๊าหนิ ซิปล่อเซอเพร ตูจูเพร ปา.

เร๊อ แบ่เจ่ เหย่ซู่ เฮ๊ ลู เน๊อ, “เก่ เน ซิหยื่อ ทวาแถ่ แกแย เด๊อ อา เล๊อบา เตเพร เก่เฮ๊เรอ กา อิเชแกลอ เน ตาหมื่อตาเต เนอเต๊เห่ เร๊อ เด๊อะแก เร๊อ แกแย โซพ๊าโซแรพู๊ เต๊เห่เนอ. เน เก่ เมฮู๊เนอ เฮ๊เรอ เน เก่ พย๊าหนิ เตดุแหย่แถ่เซ เด๊อ ม๊อขุ ปา. กา เม โท ฮู๊ เนอเรอ, แฮ ครวาเกอ แวคยา.”

แบ่เจ่ เหย่ซู่ แด๊เฮอ ลู เน๊อ, “เมเตเร๊อ เน จว๊า แด๊เฮอโต่ แว เนอ เตแร๊ อาหรี่อาแก เมเต? แกแย เด๊อ อาแร๊ หม่าแหน่ เนอหม่า อา โอ่ แพ๊ตื๊อ จอแปแหร่ เต แพ๊. เน เก่ ซิหยื่อ พย๊าหนิ ซิปล่อเซอเพร ตูจูเพร เก่เฮ๊เรอ ลือครวา เมเกอ ฮู๊ จอแปแหร่ โหง่เฮ๊แก เนอ.”

แว เฮ๊ โป่ ซี๋, ตีซิโบดุ โตโด เตเร ปย๊าโน เด๊อ เท๊หลิกูเนอ อายู เล๊อปา เจ๊อ เร๊อ แกแย ดุแหย่แถ่เซ เตเพร เตเร โน เด๊อ ม๊อขุ เทอเลเก่กู เนอ เจ๊อ.”

แว เฮ๊ ซี, แกแย เตเพรเพร เด๊อ อาเม จว๊าซื๊อ เพรคู หม่าโต่ ตื๊อดื่อเรอ อา เก่ โอ่แก อาเม เร๊อ เตหรี่เตแก เด๊อ อาโร เต๊อเจ่อ เร๊อ อาเก่ จว๊า พย๊า โค๊ อา เม โอ่เก อาเม เด๊อ อาโร เตเพร เฮ๊เนอหม่า, อา จว๊า ซื๊อ เน๊อ เพรเหมาะ เนอ เต เพร เฮ๊อ”

เออโตโพ๊เรอ เหย่ซู่ เฮ๊ อา โคเจ่ เต๊เห่ เน๊อ, “แว เฮ๊จ๊อจ๊อ เกอซี, แกแย ดุแหย่ เตเพร เตเร โน เด๊อ ม๊อขุ เทอเลเก่กู เนอหม่า, อาแป่อาแหย่ แหน่เจ๊อ เด๊อ ลูเง.