Popular Bible Verses from โรม 16

Share

งยาแต๋โต่ ปาหม่า เตเพรอาดือ อา จอแปแหร่ เออ เก่ นอหยี่ตาพรอ หมื่อแก โลเน๊มู๊แหม่รีแจ่ กู่กล๊อ เออโตโด เด๊อ ซี กู่ยาเล ปา. แบ่เจ่ เหย่ซู่ครี๊ อาบุ๊ยอาเตอเรอ เก่ โอ่เกอดื่อ เร๊อ เหย่ซี นี๋.

โป่แหว่ ซี, แว ซิหยื่อ แฉ่ครวา หนิ ซีคยา เน๊อ, รอ แลแค ซีเหน่ เร๊อ แกแย เด๊อ อา แฮโนเม ลูโพร๊ลูแพร เต เนอเต๊เห่ นี๋. เหย่ซี เตอิซว๊าอี๊แส่ เต๊เห่เนอ, อา อี๊หล่า จว๊า ตาพาแก แกแย เด๊อ ซีเกล เต๊เห่เห่ เร๊อ ครี๊ ปา. เหย่ซี เตอิซว๊า เต๊เห่เนอ, อา ลู โค๊ดื่อ เร๊อ ครี๊ อาหรี่อาแก เด๊อ อู อิซว๊า โทเฮ๊อ ซี เนอเต๊เห่. โอ่ตาพาแก เร๊อ เหย่ซี นี๋.

เมเตเฮ๊เรอ แกแย ฮู๊เนอ เต๊เห่ หม่า อา เม แบ่เจ่ ครี๊ อาเตเม หม่าโต่. โท๊โต่ อา ลือเมโม เมเป่ หนิแลแค อาซิปล่อ เกอเร๊อ แลแค อาเหน่กล่อ อา เตซิหยื่อซิลอ เต๊เห่ แพ๊. อา เฮ๊เบ่โม เฮ๊เบ่แจ่ อู, ถู่เซ๊หนิ อู เร๊อ เหย่ซี อี๊หล่าแลโฮหนิ แกแย เด๊อ อา จูเอ่ยู เตเนอเต๊เห่ ปา.

เด๊อ แว แด๊โฉ่โด่แน โล เป่ อู เร๊อ เตซิครือมีลา เออ เร๊อ เหย่ซู่ครี๊ อาหรี่อาแกเออ อาขว่าอาคยา, จอแปแหร่ เมชอแถ่เบ๊ เป่ เฮ๊อ ซี เตหยื่อ เร๊อ เป เก่ ถู่เซ๊แถ่ อา โป๋. เหย่ซู่ครี๊ อาหรี่อาแก เออเนอหมา, อู แด่โอ๊แด่บี๊ อา อางยาลาเฮ๊อ หม่าแน๊เรอ กู๊แหน่เออ อู เด๊อะโล แถ่เฮ๊อ อา เฮ๊อ. หม่าแน๊เรอ กู๊แหน่เออ ฮู๊ เพรโพร เฮ๊หนื่ออื่อ โทเฮ๊อ เนอ, โทเรอ ฮู๊ จอแปแหร่ เด๊อ อา เซอเพร ตูจูเพร เออเตเพร หม่าแก หนื่ออื่อ โทเฮ๊อ อาโหง่ เต๊เห่ เน๊อ, แซ่ฮู๊ แกแยยิวพู๊ หม่าโต่ เต๊เห่ เก่ หยื่อเอ่ ครี๊ เร๊อ เหย่ซี เก่ หนิดา ลูโหง่ อาเงเนอ, อู เด๊อซิเง โลเป่ ลอเฮ๊อ เหย่ซี ปว๋า โต๊โผ่ เฮ๊อ. เร๊อ จอแปแหร่ เด๊อ อา เมเตแจ่ ตื๊อแพ๊. อา เออเตเพรเนอ, เด๊อ เหย่ซู่ ครี๊ อาขว่าอาคยา, อู เก่ เมลีเมเตเค แถ่ แฮเง อา ตูจูเพรเง นี๋. อาเมน.