Popular Bible Verses from โรม 7

Share

แว เฮ๊บุ๊ยเฮ๊เตอเรอ จอแปแหร่, เมเตเฮ๊เรอ เด๊อ เป แบ่เจ่ เหย่ซู่ครี๊ อาขว่าอาคยาเร๊อ, อา เมแลเปล๊กา เฮ๊อ แว เฮ๊อ. ฮู๊เนอเรอ เตเมทวาแถ่ อาเหน่ เร๊อ แว หม่า ฮู๊เตเฮ๊เร๊อ แว ซิปล่อ เออเนอ, อา ซิหยื่อ เม โชชื่อ แพ๊ จอแปแหร่ อา เตซว๊าเตแส่ หม่าแน๊เรอ แวพ๊าแวหย่า อา เตซิหยื่อซิลอ เออเนอ อา เม โชชื่อแพ๊ เต เด๊อ อาเหล่โกล เมโป๊เนอ เตซื๊อ เออเนอเต๊เห่ แพ๊.

เด๊อ แวพ๊าแวหย่า อา เตซิหยื่อซิลอ อากูเนอ, แว ซิเง เร๊อ เตแร๊ โอ่ เตอเจ๋อ โต่, เมเตเฮ๊เรอ แว ซิหยื่อ เมเตแร๊ หม่าแน๊เรอ แว เมเบ๊โต่.

เตแร๊ เด๊อ แว ซิหยื่อ เม เหย่ซีเนอ, แว เม อา โต่, แว จว๊า เม ตาค๊าโต่ เด๊อ เตมู๊แหม่รีแจ่ เด๊อ แว ซิหยื่อ เม อา โต่ เต๊เห่.

เก่ แว เม ฮู๊ แว ซิหยื่อ เมเนอ โต่ เฮ๊เนอหม่า, อา เม เนอเตเพร หม่า แว หม่าแหน่ หม่าโต่. เนอหม่า เตซื๊อ เด๊อ อา โอ่ เด๊อ แวกู เนอเตเพร เม แพ๊.

ฮู๊เนอเรอ แว แม๊เถอะ เร๊อ เตซื๊อ เด๊อ แกแย เหล่โกลเม โป๊เนอ เกอเร๊อ เออเนอ อา เม เด๊อ แวกู. เบ๊อะแว ซิหยื่อ เมเตแร๊ เบ๊อะเนอ, แว แม๊เถอะ โชชื่อ เจ๊อ เตมู๊แหม่ โอ่ เด๊อ แวกู เจ๊อ. เด๊อ แว ซิปล่อกู เนอ แว โม แหน่เจ๊อ จอแปแหร่ อา เตซว๊าเตแส่ เจ๊อ.

เต เด๊อ แว ซิหยื่อ เมโต่ เต๊เห่ เร๊อ แว จว๊าเมโต่ เนอหม่า อา เด๊อะโลเฮ๊อ เร๊อเตซว๊าเตแส่ เออเนอ, อาแร๊ แพ๊ แว ซิปล่อโตเกอ ฮู๊เนอ เฮ๊อ.