Popular Bible Verses from โรม 9

Share

ฮู๊เนอเรอ เป เหล่ซิเลแถ่ เกอเร๊อ เป แกแย อา เตซิหยื่อ, หม่าโต่เรอ, อาเต แอ๊จื๊อแอ๊เหร่ เต๊เห่ เนอหม่า อาหนิ โต่. เตล๋อ ปลี เด๊อ เป เหล่ซิเล แถ่หนิ เนอหม่า ตื๋อแพ๊ จอแปแหร่ อา เตซิยอ แพ๊.

เมเตเฮ๊เรอ, โตโพ๊เค อา เฮ๊ คูโมเสส เน๊อ, “แว เก่ ซิยอเกอเร๊อ แกแย เตเพรเพร เด๊อ จู๋ ดื่อ แว ซิปล่อ เหล่ซิยอหนิ ลู เนอเตเพร ปา. แว เก่ เมจว่าครา แกแย เตเพรเพร เด๊อ จู๋ ดื่อ แว ซิปล่อ ซิหยื่อ เมจว่า เนอเตเพร ปา.”

หม่าแน๊เรอ แว เก่ เฮ๊ เน เน๊อ, เน หม่า แกแยเห่ขุพู๊แพ๊. เน โหล่เฮ๊ เป๊อเจ่อ กาคยาฉื่อ จอแปแหร่ ฮู๊เนอโต่. ปอเห่ เตเมเนอ, เก่ อา เฮ๊ กาคยาฉื่อ เพรแบ๊ลู เออเตเพร เน๊อ, “เน จว๊าแบ๊ แว ฮู๊เออ เมเต?” อา เฮ๊ กาคยาฉื่อ ฮู๊เออ เนอหม่า อาหนิ โต่.

เมฮู๊เนอเรอ จอแปแหร่ ซิยอเกอเร๊อ อู จู๋ ดื่อ อา ซิยอ เนอ, อา เม กู่กล๊อเพรอ แกแย เด๊อ จู๋ ดื่อ อา ซิหยื่อ เมกู่กล๊อเพรอหนิ อู เนอเต๊เห่ แพ๊.

ป่าอ๊า ตูกลู๊ เออเนอ, อา โอ่ เด๊อ เพรแบ๊ปอเห่ เออเตเพร อา กู๊ยากู แพ๊. อา เก่ แบ๊ปอเห่ จู๋ ดื่อ ฮู๊ อา ซิหยื่อ แบ๊เนอ หม่า อาหนิ แพ๊. ป่าอ๊า ตูกลู๊ อากูเนอ, อา เก่ แบ๊ปอเห่ เด๊อ อู นอเอ่ โค๊คยาดื่อ อา เบ๊อะป่วยเค อาเง เนอเบ่เบ่, หม่าโต่เรอ อา เก่ แบ๊ปอเห่ เด๊อ อู เก่ นอจ่อเอ่ อา เหมาะเฮ๊เหมาะลี อาเง เนอเบ่เบ่, อา แบ๊ จู๋ ดื่อ อาซิปล่อ ซิหยื่อ แบ๊ เนอหม่า อาหนิ แพ๊.