Popular Bible Verses from Pwa̤nophû̌ 1

Share

Bǎbǎkǎlè bǎ Yôla Plò̌shǐ Běcǎ hèlò̤ dǒ sîlô̤ pě akhanu, sî gǔ lǒbe kû̌ ta̤shû̌ta̤sho pě. Dě sî gǔ htûhtò̌ bǎ he pwa̤khòlṳ̌ tokhlǒ dǒ Wî̤̌yarǔshôle akû, kû̌ Yǔda tôgǎ lǎ̤, kû̌ Shamarǐgǎ htokhôtô̤̌ a gǔ tǒ̤dǒ hǎkhû̌běkhû̌ lǒ̤bò pě,” A ahî̌pô̤̌nu.

Dě Yeshǔ hî̌shěshu asî kû̌, “Ta̤shěta̤khǎ kû̌ lṳmṳ̌ni̤ lṳmṳ̌sa tokhlǒ numî̌ a htûhtò̌ kû̌ pha a ta̤siwi̤sòwò̤ pwǎ. A gǔ htûhtò̌ bǎkhò̌tè pě numî̌, sî lǎ̤lṳ̂ sî̌ganǎ̤ bǎtô̤̌.

Tôplǎnu bǎ a ǎô kû̌ akhôphijǎ tokhlǒ akhanu, a mǎnǎ asî kû̌, “Hǎhtò̌cû̌kè tǎ̤ lô̌khô dǒ Wî̤̌yarǔshôle akûnu nò̌khôtô̤̌ tǎ̤mǎ̤ nî̌. Ô̌pǒ̤ lô̌khô bǎnu tǒ̤dǒ sî nǐ̤bǎ sû dǒ he shôbǐǐlṳ̌ nǎ hto sî kû̌ hepha olò̤ dǒ a gǔ ǐ sî pěnu nî̌꤮.” Kǎtô̤̌ a hî̌ asî kû̌, “Khûyṳ̂ha ju bǎ kòyò kû̌ shi, bǎbǎkǎlè yî̤khôtô̤̌ pěnu kòyò gǔ ju bǎ sî kû̌ Yôla Plò̌shǐ Běcǎ pě.”

A tṳ̌sikhòsi hto anǎ̤ dě a ihtǒ htûpwa̤ getîkhî dǒ ta̤si htodě dǒ nô̌kò asa lǐ̤shi akûnu, a dǔlè̌lṳ̌ bǎ dû̌wî̤ anǎ̤ kû̌ akhôphijǎ sî htodě a shôbǐǐlṳ̌ bǎ asî kû̌ Cǒmara ashiagǎ awe̤akè. A khôphijǎ tokhlǒ kè̌shǐ yǎ dě asǎphlǒ wò̌wuwò̌wè̌ lô̌khô bǎtô̤̌. Asî yṳ̌ǎ shapwǎ̤ kû̌ a htûpwa̤ mè̤̌mî̌ca.

Yeshǔ hî̌bǎ htodě bǎ akhôphijǎ tokhlǒ kè̌htò̌ yǎ akhanu, Cǒmara kaǎ gehtò̌kè yǎ dǒ mǒkhû̌. Poǒlṳ̌ tôbě glǒbǐkè yǎ dě asî kè̌shǐ pe lû̌û tô̤̌.

Bǎ asî kè̌htò̌ shôpe̤ dǒ mǒlǎ̤ akhanu, kòyò sò̌ginǐ̤ kûsô̌ jejûbû dě hèihtǒ htò̌lṳ̌ sumṳ̌htò̌ bǎ asî kòshî̌. Dě a hî̌ asî kû̌, “Galilè̤̌phû̌ sî, sî cû̌ ihtǒ kè̌htò̌ lô̌khô dǒ mǒlǎ̤ ma̤titè? Yeshǔ dǒ sî kè̌shǐ kû̌ Cǒmara kaǎ gehtò̌kè yǎ dǒ mǒkhû̌ tôpwa̤nu a gǔ hèlò̤ sô̌ ma̤pô̤̌ sî kè̌shǐ a gehtò̌ khònò̤̌nu pě.”