Popular Bible Verses from Mǒhtûlû̌hǎhtûsa 26

Share

Ô̌yṳ̂̌ kûmṳ̂̌ bǎ gǎ nutôgǎ akû nî̌. He gǔ ô̌ kû̌ na dě he gǔ ǐshowî̤ na pě, ma̤titèhî̌dě ta̤olò̤ dǒ he olò̤ nǎ hto kû̌ napha Abrahanu he gǔ ma̤lǒhtò̌behtò̌ tûû̌ pě dě lǒ̤bò hǎkhû̌ gûlǎ̤ bǒo tokhlǒnu, he gǔ ǐ bò kû̌ na kû̌ nakhlinalè tokhlǒ pě.

He gǔ no ô̌dû̌htò̌ tûû̌ nakhlinalè asô̌sô̌kû̌ shǎ ô̌ dǒ mǒlǎ̤ pě, dě lǒ̤bò hǎkhû̌ tokhlǒnu he gǔ ǐ bò kû̌ asî pě. Dǒ nakhlinalè akhû̌akhî, dě lǒ̤bò khlilèphû̌ ô̌ dǒ hǎkhû̌ tokhlǒ gǔ nǐ̤bǎ tutṳ̌ ta̤ǐshowî̤ pě. PhaAbraha ganǎ̤deyṳ̌ǎ bò heta̤mǎnǎyô̤̌ kû̌ heta̤sû̌ǐtòwòǐ kû̌ ta̤sû̌ta̤tòwò nutokhlǒ akhû̌akhî, he gǔ ǐshowî̤ mè̤̌caca na pě.”

Htodě a cû̌ tephekè dǒ gûlǎ̤ ashǔshawa̤ tôkû dě a cû̌pholò̤ khô̌ pô̤̌ shiû̌ tôû̌ dě kòyò hètô̤̌klǐ pe asî tôpwǎ̤ tô̤̌, Pô̤̌nudě KhûIsè̌ pô̤ shiû̌nu ami̤ kû̌ Rahû̌bû. Dě a hî̌ kû̌, “Khònò̤̌, Cǒmara tûjû̌pwa̤ ǐ pa gûlǎ̤ lǎ̤ô̌ tôkû hǒ dě pa gǔ ǎbǎôbǎ bǒo tôkû pě.” (Rahû̌bû yô̤̌sǎyô̤̌mû mî̌ ǐ pa gûlǎ̤lè̤̌ tôkûhǒ.)

Cǒmara tûjû̌pwa̤ ô̌lṳ̌htò̌ bǎ PhaIsè̌ dě a hî̌ lû̌û kû̌, “Cû̌ tǎ̤ dǒ Ijî̌gǎ tǎ̤mǎ̤ nî̌! ô̌ pwǎ gǎ bǎ he noô̌ na nutôgǎ pwǎ nî̌.

Htodě KhûIsè̌ tèhtò̌ ta̤lṳhtò̌wǎ̤ kû̌ lǒ̤ bǎnu tôkû dě cubucabahtò̌ Cǒmara tûjû̌pwa̤. Dě a ma̤htò̌ ahǐphû̌ gò̌pwǐ bǎnu dě ajû̌ tokhlǒ pho lô̌khô shiû̌ bǎnu tôû̌.