Popular Bible Verses from Yṳ̂ha 21

Share

Asî ǎ htodě, Běcǎ Yeshǔ gwè̌ Khûshǐmû Petarǔ kû̌, “Phayṳ̂ha Aphû̌khû Khûshǐmû, na mô̤nṳ̌ khlo mè̤̌mî̌ca he kû̌ kòyò tokhlǒ mô̤nṳ̌ he ya?” a gwè̌ lû̌û dě. Khûshǐmû hî̌shěshu lû̌û kû̌, “O, Běcǎ, he mô̤ na numî̌ na sî̌ganǎ̤ tû̌ hǒ,” A hî̌ lû̌û pô̤̌nu. Běcǎ Yeshǔ hî̌ lû̌û kû̌, “Kè̌ bǔǎ he sû̌phû̌ nutokhlǒ nî̌.” Dě Běcǎ Yeshǔ gwè̌ sô̌ lû̌û kû̌, “Phayṳ̂ha aphû̌khû Khûshǐmû, na mô̤nṳ̌ mè̤̌mî̌ca he ya?” A gwè̌ lû̌û dě. A hî̌shěshu Běcǎ kû̌, “O, Běcǎ, he mô̤nṳ̌ na numî̌ na sî̌ganǎ̤ tûû̌.” Dě Běcǎ Yeshǔ hî̌shěshu yǎkû̌, “Kè̌khwè̌ǐ he sû̌phû̌ nutokhlǒ nî̌.” Htodě a gwè̌ pô̤̌ lû̌û suplǎtôplǎ kû̌, “Phayṳ̂ha aphû̌khû Khûshǐmû, na mô̤nṳ̌ he ya?” Běcǎ Yeshǔ gwè̌ lû̌û kû̌, “Na mô̤nṳ̌ he ya?” agwè̌ suplǎhǒ akhû̌akhî, a mô̤ lû̌sǎphlǒ tô̤̌. Dě a hî̌shěshu lû̌û kû̌, “Běcǎ, na sî̌ganǎ̤ bò ta̤pṳ̂̌tocǒ hǒ, he mô̤ǐ na numî̌ na sî̌ganǎ̤ hǒ,” A hî̌ lû̌û pô̤̌nu. Dě Běcǎ Yeshǔ hî̌ lû̌û kû̌, “Kè̌ bǔǎbǔô he sû̌phû̌dû̌ nutokhlǒ nî̌.

He hî̌cǒcǒ na, bǎ na phijǎpe akha, na wṳ̂̌htò̌bò̌ tûû̌ nasǎto̤, na sǎyṳcû̌ bǎtètè̌ nu na cû̌bò̌. Bǎbǎkǎlè htû̌ na mǒ̤pwǎ̤ pěnu, na gǔ yṳ̂̌htò̌ na cǔde ginǐ̤khô pě. Kòyò gǔ comě na cǔde dě kòyò gǔ jocû̌ na dǒ ta̤lǎ̤ dǒ na sǎyṳ cû̌ tô̤̌ nupě.”

Dě Yeshǔ hî̌ asî kû̌, “Shî̌tě̤ sî tǐ̤ dǒ sî sǒkhli cǔtômû nutôkhô, tò̤̌phû̌ nǐ̤ tûû̌ pě.” Dě bǎ asî ma̤pô̤̌ a hî̌ akhanu, tò̤̌phû̌nǐ̤ dû̌wî̤ akhû̌akhî, a cî̌htò̌ bò̌ pe a tǐ̤ dǒ sǒkhlikû tô̤̌.

Khûshǐmû Petarǔ hî̌ asî kû̌, “He cû̌pṳ̂̌ǎ tò̤̌phû̌,” A hî̌ dě, asî hî̌ lû̌û kû̌, “Pa cû̌ kû̌ na,” A hî̌ lû̌û pô̤̌nu. Pô̤̌nudě asî dò̌ sǒkhli dě hǎhtò̌cû̌ pṳ̂̌ǎ lô̌khô tò̤̌phû̌ bǎbǎkǎlè tanǎ̤mṳ̌shě anǐ̤ tôbǎ tô̤̌.