Popular Bible Verses from Makǔ 10

Share

Ma̤titèhî̌dě Kòyòphû̌khû mî̌ he, he hè dǒ kòyò gǔ ma̤ bǎ heya nu mè̤̌tô̤̌. He hè dǒ he gǔ ma̤ bǎ kòyòya pwǎ. Dě pô̤̌khô he gǔ htè̌ge asî ayanudě, he ǐlò̤kè he ta̤htûpwa̤ dǒ kòyò saprṳ̂saphǎ aya.”

Yeshǔ kè̌ asî dě a hî̌ asî kû̌, “Kòyòhǎkhû̌phû̌ ma̤hǎplǎge jò tûû̌ anǎ̤tô̤̌ bǎbǎkǎlè Cǒmara ma̤jòta̤ pṳ̂̌꤮ tocǒ akhû̌akhî, a ma̤hǎplǎge jò pwǎ.”

Dě Yeshǔ hî̌ lû̌û kû̌, “Na ge anǐ̤ hǒ. Na ta̤yṳ̌ta̤nǎ̤ ma̤hǎmǎbǎ na hǒ.” Bǎnu taplǎnô̤̌ amǐ̤sǎ lîhtò̌ dě a gû̌cû̌kû̌ Yeshǔ kò.

Pô̤̌nudě ta̤ dǒ Cǒmara bè̌cu yǎnu, kòyòhǎkhû̌phû̌ bǎ bè̌yò yǎ tôpwǎ̤꤮ tô̤̌.”

Dě Yeshǔ kè̌ tě̤mè̤̌ lû̌û dě a gwèbǎǐ lû̌û dě a hî̌ kû̌, “Ta̤ dǒ na lǎ̤lṳ̂ma̤nu a ô̌ pe tocǒ, ge shaǎkèbò na ta̤kî̌ta̤krû̌ nutokhlǒ dě ǐ kè kû̌ kòyòshèwè̤phû̌ nu. Na kè̌ ma̤pô̤̌nu hî̌dě na gǔ nǐ̤bǎ ta̤dû̌yò̤̌htò̌sa dǒ mǒkhû̌ pě. Gema̤hto pô̤̌nu dě hè gû̌kû̌ hekò.”

Yeshǔ gwè̌ lû̌û kû̌, “Na sǎyṳ noma̤ he mî̌titè?” Kòyò mǐ̤sǎkhǐ nutôpwa̤ hî̌shěshu lû̌û kû̌, “Sara꤮ he sǎyṳ kè̌shǐ jò gû̌ kòyò.”

Bǎbǎkǎlè lǒ̤bò sî hǒtokhlǒnu sî tôbǎ ma̤pô̤̌nu tô̤̌. Dǒ sîklanu, kòyò tôpwa̤pwa̤ kè̌ sǎyṳ htûdû̌htûpwǎ̤ dě a tôbǎ htû sî pwa̤ma̤ta̤phû̌.

He hî̌cǒcǒ sî, sî kè̌ nopǒ sînǎ̤ kû̌ Cǒmara, pô̤̌ phijǎphû̌ tokhlǒ nopǒǐ anǎ̤ tô̤̌nu, sî genṳ̌jò dǒ Cǒmara shilǎ̤gǎkû tôkhò̌꤮ tô̤̌.”

Pwǎtadě kòyò ô̌ dǒ alô̤mô̤̌lǒ tokhlǒnu, a gǔ ô̌kè dǒ nô̌kòlǒ pě, dě kòyò ô̌kè dǒ nô̌kòlǒ tokhlǒnu a gǔ ô̌ dǒ alô̤mô̤̌lǒ pě,” Yeshǔ hî̌ asî pô̤̌ nu.

Bǎbǎkǎlè dǒ Cǒmara bô̌lò̤ wǐ hǎkhû̌ kû̌ mǒkhû̌ akhanu ‘Cǒmara bô̌lò̤ pwǎ pwa̤mǒ̤ tôpwa̤ kû̌ pwa̤khû tôpwa̤ nô̤̌pwǎ’ ‘Dǒ ta̤we̤ta̤kè hǒo akhû̌akhî pwa̤khû nî̌ a bǎ bè̌kè amǒ̤apha dě a bǎ cû̌ ô̌plǒ kû̌ ama, dě kòyò hǒo sò̌ginǐ̤ nî̌ a htûhtò̌kè tôpwa̤꤮ nô̤̌.’ Pô̤̌nudě asî mî̌ kòyò sò̌ginǐ̤ mè̤̌petô̤̌. A htûhtò̌kè tôpwa̤ nô̤̌.