Popular Bible Verses from Makǔ 16

Share

Dě a hî̌ asî kû̌, “Cû̌ dǒ hǎkhû̌ pṳ̂̌tôbě dě cû̌lè shôbǐǐ padô̌pû, lǒ̤bò kòyò pṳ̂̌tôpwa̤ kû̌ ta̤sǎlě̤we̤kè nu nî̌꤮.

Kòyò dǒ a yṳ̌ǎ tokhlǒnu he gǔ ǐ asî ta̤siwi̤sòwò̤ dǒ a gǔ ma̤jò lô̌khô ta̤cô̌klǐcô̌sè tokhlǒ pě. Asî gǔ wṳ̂̌htò̌bò̌ lô̌khô khînǎkhîno tokhlǒ kû̌ hemi̤ pě, asî gǔ hî̌bǎ jò yô̤̌sǎ dǒ asî hî̌bǎ jò nô̌꤮ tô̤̌ nutokhlǒ pě. Asî glè̌ pṳ̂̌ wṳ̂̌phǔmò̤̌ tokhlǒ bǎbǎ, a glè̌ cû̌ǎbǎ ôbǎ ta̤wè̤̌ta̤htòshi dǒ ama̤si jònu tokhlǒ bǎbǎ, a ma̤pò̤̌ma̤sha nô̌ asî tocǒ꤮ tô̤̌. Asî kè̌ dò̌htò̌ acǔde dǒ kòyòshǐkòyòsha tokhlǒ alô̤ hî̌nu, asî ta̤shǐta̤sha gǔ hǎmǎkè bò pě.”

Kòyò dǒ a yṳ̌ǎ ta̤sǎlě̤we̤kè nudě a ju anǎ̤ kû̌ shi tôpwa̤pwa̤ nî̌ a gǔ nǐ̤bǎ ta̤ma̤hǎplǎge pě. Bǎbǎkǎlè kòyò dǒ a yṳ̌ǎ tô̤̌ tokhlǒnu a gǔ khòbǎ ta̤cî̌htò̌ pě.

Yeshǔ akhôphijǎ tokhlǒ cû̌lè shôbǐǐlṳ̌ bǎ kòyò kû̌ Cǒmara alě̤ayô̤̌ dǒ ta̤lǎ̤ pṳ̂̌꤮ tûkû. Pô̤̌khô kòyò gǔ yṳ̌nǐ̤nǎ̤nǐ̤ lô̌khô kû̌ ta̤sǎlě̤we̤kè dǒ asî shôbǐǐ bǎ kòyò numî̌ a mè̤̌mî̌ca ayanu, Běcǎ ǐ lò̤ asî dǒ a gǔ ma̤jò lô̌khô ta̤ma̤ ta̤cô̌klǐcô̌sè tokhlǒ pṳ̂̌tocǒ.

Dě a hî̌ asî kû̌, “Sǎgònò̤̌ lô̌khô tǎ̤mǎ̤꤮, sî kè̌lǎǐ Na̤sôrè̤̌phû̌ Yeshǔ dǒ kòyò htǎsihtò̌kè lû̌û dǒ nò̌dò̌htǔlô̤ nutôpwa̤ pwǎ numî̌ he sî̌ganǎ̤. A ihtǒhtûpwa̤ gesô̌ hǒ. A ô̌pe bǒo tô̤̌. Hèkè̌mò̌ lô̌khô, hǒomî̌ agûlǎ̤ dǒ kòyò bè̌nṳ̌ yǎ alǎ̤nuhǒ.

Bǎbǎkǎlè bǎ asî kè̌cû̌ akhanu, a kè̌shǐ kû̌ kòyò shò̌toklo tephenǎkè hto lǒ̤bědû̌ nutômè hǒ. Bǎ asî nṳ̌ dǒ lṳ̌kû akhanu, a kè̌shǐ pwa̤khûphû̌sǎ sô̌ jebû tôpwa̤ hǎnòò̌ dǒ lṳ̌kû cǔtômû nutôkhô dě asî sǎgònò̤̌ bòkè.