Popular Bible Verses from Makǔ 4

Share

Yeshǔ ihtǒ sǎhtǎ gili̤sǎ dě a hî̌ shipěpǒnu kû̌, “ô̌kǔ!” a hî̌ dě gili̤sǎ ô̌kǔtaplǎnô̤̌ dě shipěpǒ pe tocǒ tô̤̌. Yeshǔ hî̌ asî kû̌, “Sî ǐsha ma̤titè? Sî ta̤yṳ̌ta̤nǎ̤ ô̌ khôtô̤̌ ya?”

Dě asî ǐsha tûlû̌shû̌lě dě asî hî̌ tûû̌ kè̌khîlû̌û kû̌, “A mî̌ kòyò hî̌tè tôpwa̤ ya? Gili̤sǎ kû̌ shipěpǒ tokhlǒ dě a gana̤de jòjò̌꤮ lû̌yô̤̌.”

Bǎbǎkǎlè Yeshǔ hǎmôô̌ kû̌ mû̌tokhǒ tômè dǒ lǎ̤khlò sǒkhli kòshî̌ tôkhô dě asî cû̌ htû̌wṳ̂̌ ihtǒ lû̌ dě a hî̌ lû̌ kû̌, “Ǒ sara꤮, pa glè̌ lò̤cǔsi bò kèhǒ dě ma̤hî̌tè na bè̌sû̌bè̌sǎ gû̌ pe pa tocǒ tô̤̌ ya?”

Htodě a hî̌ pô̤̌ asî kû̌, “Ganǎ̤de tě̤tě̤mè̤̌mè̤̌ lô̌khô he ta̤hî̌bǎhǒo. Na kè̌ ganǎ̤de tě̤tě̤mè̤̌mè̤̌mò̌ ta̤ numî̌, Cǒmara gǔ ǐ na ta̤sî̌yaphlô pě, htokhôtô̤̌ a gǔ nosî̌ya dû̌htò̌ lǒkhlo pô̤̌ na pě.

Yeshǔ hî̌ pô̤̌ kû̌, “Cǒmara ashiagǎnu asô̌sô̌kû̌ kòyò tôpwa̤ wǐ̤lò̤ ta̤khlita̤lè dǒ hǎkhû̌ nu. Lṳmṳ̌khǐ dě hǎmôô̌, lṳmṳ̌shî̌ dě ihtǒ, lṳmṳ̌khǐ dě hǎmôô̌, lṳmṳ̌shî̌ dě ihtǒ, a ma̤ pwǎ pô̤̌nu dě ta̤khlihǒo a phôhtò̌ dû̌htò̌ hî̌tènu a sî̌ya tocǒ tô̤̌.

Ta̤ dǒ sî ganǎ̤de a khònò̤̌ tokhlǒnu sî tôbǎ bè̌dubè̌nǎ̤ yǎ.”