Popular Bible Verses from Makǔ 9

Share

Dě Yeshǔ hî̌ lû̌û kû̌, “Ma̤titè̌hî̌dě na cû̌ hî̌tǒ̤ kû̌, ‘na kè̌ ma̤jò,’ pô̤̌nu ma̤titè? Kòyò tôpwa̤pwa̤ dǒ a yṳ̌ǎ Cǒmara numî̌ a ma̤jò bò ta̤ pṳ̂̌꤮ tocǒ pwǎ.”

Tôplǎnô̤̌ phijǎ apha kaǎgǔhtò̌ kû̌, “He yṳ̌ǎ, bǎbǎkǎlè he ta̤yṳ̌ ô̌ pî̌tî̌ akhû̌akhî, pô̤̌khô he ta̤yṳ̌ gǔměgle ayanu, ma̤jè̌ pû he!” a kaǎgǔhtò̌ pô̤̌nu.

Yeshǔ ma̤hto pô̤̌nudě, bǎ a kû̌ akhôphijǎ tokhlǒ ge tîkhîsô̌ dǒ hǐ dǒ kòyò ô̌ tôpwǎ̤꤮ tô̤̌ nutômè akû akhanu, akhôphijǎ tokhlǒ gwè̌ lû̌û kû̌, “Pa wṳ̂̌hǎhtò̌ bò̌kè khînǎ tô̤̌mî̌ a ma̤titè?” Dě Yeshǔ hî̌ asî kû̌, “Khînǎkhîno pô̤̌o tokhlǒ numî̌ sî wṳ̂̌hǎhtò̌pè̤̌kè pwǎ a kû̌ ta̤kwicaba tocǒnô̤̌ pwǎ.”

“Îsǎ numî̌ awô̌ pwǎ bǎbǎkǎlè a kè̌ shukaha petô̤̌ hî̌nu ma̤shukaha gesô̌ anu anǐ̤ petô̤̌. Sî bǎ ô̌ǐ lô̌khô îsǎ, îsǎ mî̌ ta̤bǒshû̌khǎkhôǐ lû̌û tôpwa̤ kû̌ tôpwa̤, htokhôtô̤̌ ô̌cuô̌plǒ mô̤klaǐ pû lû̌û tôpwa̤ kû̌ tôpwa̤ nu nî̌꤮.”

“Kòyò dǒ a kè̌ hemǐ̤sǎ dě a kè̌ gòyò̤̌mò̤̌mô̤ phijǎphû̌ sô̌sô̌kû̌ hǒtôpwa̤ tôpwa̤pwa̤nu a gòyò̤̌mò̤̌mô̤ he hǒ. Htodě kòyò dǒ a gòyò̤̌mò̤̌mô̤ he tôpwa̤pwa̤nu asô̌sô̌kû̌ a gòyò̤̌mò̤̌mô̤ pwa̤ dǒ a nohè he bǒo nutôpwa̤ hǒ.”

He hî̌mè̤mè̤̌ sî, dǒ sî gû̌ hekò akhû̌akhîdě, kòyò tôpwa̤pwa̤ kè̌ dǐôshěshu sî shi tôba numî̌ a gǔ nǐ̤bǎ mè̤̌mî̌ca ta̤ma̤khû̌kǎ pě.

“Kòyò tôpwa̤pwa̤ kè̌ noma̤sǔ phijǎpî̌tî̌lǒ dǒ a yṳ̌ǎ he tokhlǒ akla tôpwa̤pwa̤ hî̌nu, comě shǔtò̤̌ lǎ̤wî̤̌lǒ̤dû̌ dǒ a gô̌bôlô̤nu dě wîtě̤kè a dǒ shidû̌shite̤we̤kû numî̌ awô̌khlo bǎ lû̌ûya.

Namǐ̤sǎ kè̌ noma̤ na ta̤sǔ hî̌dě cewehtò̌kè yǎ dě wîkè yǎ. Namǐ̤sǎ ô̌pwǎ tôkhô dě na genṳ̌jò dǒ mǒkhû̌nu awô̌khlo pe kû̌ namǐ̤sǎ ô̌pṳ̂̌bò ginǐ̤khô dě kòyò bǎ wîtě̤kè na dǒ larakû pěnu.