Popular Bible Verses from ယောဟန် 12

Share

ငါ့ကို ပြုဇုသူစာ ငါ့နောက်က လိုက်ရဖို့ အရာ ငါ နီစာ နေရာမာ သူလည်း နီရဖို့။ အသူမဆို ငါ့ကို ပြုဇုရေဆိုကေ ငါ့အဖ သူ့ကို ရိုသေလေးစားခြင်း ပီးလိမည်။

အသူမဆို ကိုယ့်အသက်ကို အများ ချစ်တေဆိုကေ သူစာ ကိုယ့်မာ ထာဝရအသက်ကို ဆုံးရလိမည်၊ ယေကေလည်း အသူမဆို ဒေ လောကမာ ကိုယ့်အသက်ကိုထက် အခြားလူကို အများ ချစ်တေဆိုကေ သူစာ ကိုယ့်မာ ထာဝရအသက်ကို ကယ်ဆယ်လိမည်။

ငါ နင်ရို့ကို အမှန် ပြောရေ၊ စပါးစိစာ မြေပြင်မာ ကျရို့ ပျက်ဆုံးရဖို့။ ယင်းပိုင် မပျက်ဆုံးဆိုကေ စပါးတစ်စိတည်းရာ ဟိဖို့၊ ယေကေလည်း ပျက်ဆုံးရေဆိုကေ ထိုစပါးစိက အရာလည်း အသီးအနှံ အများကြီး သီးဖို့။

ငါ့ကို ကျုံသူစာ အမိုက်မှောင်မာ မနီရ။ ယင်းအတွက်န ငါ အလင်း အဖြစ် ဒေ လောကတို့ ကြွလာစာ ဖြစ်တေ။

ငါ့စကားကို ကြားရို့လည်း မလိုက်နာသူကို ငါ အပြစ်မတင်၊ အကြောင်းကား လောကသားရို့ကို အပြစ်တင်ဖို့အတွက် ငါ ကြွလာစာ မဟုတ်။ လောကသားရို့ကို ကယ်တင်ဖို့အတွက် ငါ ကြွလာစာ ဖြစ်တေ။

ယင်းခါ မာရိစာ ကောင်းကောင်း တန်ဖိုးဟိစာ ရီမွှီးဆီအစင်ကို ယူလာပြီးကေ ယေရှုအခြီမာ သွန်ရို့ ကိုယ့်ဆံပင်န ပွတ်လီရေ။ ထို ရီမွှီးဆီစာ တစ်ပွါကျော်ပင်မနာ ဟိလီရေ။ ယင်းခါ ရီမွှီးဆီအနံ့စာ အိမ်လုံးပြတ် ချုန်လားခလီရေ။

ယင်းခါ သူရို့စာ ခဇူပင်က အလက်တိကို ယူရို့ ယေရှုကို ကြိုဆိုဖို့ လာကတ်လီရေ။ သူရို့စာ အော်ရို့ ပြောကတ်လီရေ၊ “ဟောရှဏ္ဏ! ထာဝရဘုရား၏ ဘုန်းကြီးပါစီ၊ အသျှင်၏ နာမည်န ကြွလာသူစာ မင်္ဂလာ ဟိပါစီ၊ ဣသရေလလူမျိုးရို့မာ မင်း မင်္ဂလာ ဟိပါစီ။”

ယင်းခါ ယေရှုစာ အန္ဒြေန ဖိလိပ္ပုကို ပြောလီရေ၊ “မနုသသားတော်မာ ဘုန်းတန်ခိုး ရဖို့စာအချိန် ရောက်လာဗျာ။