Popular Bible Verses from ယဟ 5

Share

အုဝ် တဝ်း အာခ်ု ဒီ ဘေ။ အာဆေ ထူမ် ဂြုဝ်း အုဝ် ဘော ညှိုမ် ဇဝ်ဖြာ အီ ဟဲ့ တိုယ် အုဝ် တဲး အုဝ် တး ဒူင် ကွယ် ဘေ၊ ဒူအီ တီ ဟဲ့ ပွိုန် ဒီ ကွယ် ရိုမ် ဒူပ် ဇဝ်ဖြာ ဆေဆေ။ အန် မိူဝ် တူ လုဝ် ခမ် မှာပ် အန်။ အန် အာဝ် ဟူ လုဝ် ယမ်။ အန် ဟဲ့ ဟွတ့် ပွိုန် အာဆာက် ကာမာယ်။

ဒေါ ယိုဝ် ဇဝ် ယေဆူ ဒူအီ တီ၊ အန် ဟဲ့ နပ် လွင် ဒူအီ တီ ဟဲ့ ကွယ် လှေန့်။ အန် ဝီ ဒီမွှတ် တဝ်း၊ “မဲ ဆီ တဲး မဲ ကဲန်။း”

ဘေ အွန် ဒီ ဟေန် ဘပ် ဇဝ်ဖြာ ကူပ် ထာင် ဘေ ဂြုဝ်း ပီ ဒဲမ် အုန် ခဲင် ဘပ် ဇဝ်ဖြာ ဒီ စွယ် ဘေ တဲး ဘေ ပွိုန် ဒီ ကွယ် ရိုမ် ဒူပ် ဇဝ်ဖြာ ဆေဆေ။ န့ ယီ မုး ဘပ် ဇဝ်ဖြာ တီ၊ အီ တဲး ဘေ နပ် လွင် အုဝ်။ ဘေ ယီ တူ ဆီ ညှိုမ် အုဝ်။ ဘေ တူ ဆီ တဲး အုဝ် ပွိုန် ဒီ ဒွါ အာဆာက် ကာမာယ် ဒီ ဘေ။

ဇဝ် ယေဆူ ဝီ တဝ်း ဒီ အန်၊ “မဲ ယိတ့်၊ ဒိုဝ်း ဂူင့် မ့ဘေ၀် မဲ၊ ဝီ ဟာဝ်။” ပန် တီ ဒူအီ ဆဝ် တီ ဟဲ့ ကဲန် အူ ဇေန့်။ အန် ဝီ ဒိုဝ်း ဂူင့် မ့ဘေ၀် အန်၊ ဝီ ဟာဝ်။ ဆီငဲ တီ ယီ မုး ဆီငဲ ဒီလှဝ်။

ခုဝ် အန် တီ ဇဝ် ယေဆူ ဝီ တဝ်း ဒီ ဂေ၊ “အုဝ် တဝ်း အာခ်ု ဒီ ဘေ။ ဆေ န့ မုး ဂွန်၊ အန် တူ ပဲ ဒီ ဘူင် မာဆေ ရာင် အန်။ အန် လုဝ် ယွတ် ဂုန့် အန်။ ခဲ့ ယိုဝ် အန် ပီ ဘူင် ဂုန့် အန်၊ ဘော ဂွန် အန် နပ် ဒီ ဘူင်။