န့ ဒီ ဘော လိုဝ်း အီ မွှိုမ် ယုဝ် ကာဆဝ် ဒီ ဆီငဲ ဘော ဒီ မာဂျီန် ဂေ ဆီမန့်။ ဒဲင် ကာဒါယ် နီ၊ ဂေ ဒူအီ ဒွန် မျုဝ်၊ ဂေ တူ နပ် ဒီ ဘူင် မာဆေ။ ဂေ ဒီ ယွတ် အိုမ် နမ်မုက်ဆာရာ အီ မွှိုမ် ယုဝ်။ ဂေ ဘော ယွတ် မာ အိုမ် အီ ဒီယုး တာင်။ ဒူအီ ဒီ ဘဲန် ပိဝ် ဒုဝ် ကူပ် ယုဝ် ဂေ ဒုက် အီ ဒီ တး ဒဲင် ကာဒါယ်။ န့ ဒီ ဘော မိုဝ်း ပွုန် အီ တဲး ဂါင်ဟြာဝ် ကွယ် ဒါခိုယ်၊ ဂေ ဘော ယုဝ် ပွုန် တီ အာဝ် ဟူ ပီ ဘြိမ်၊ ယုဝ် န့ ဒီယုး၊ ကွဲ့ ဟူ တဲး န့ မိုဝ်း မာဆေ အီ ကွယ် ဒူင် ဘြိမ် အန်။ ဒေါ အန် တီ ဂေ ဒီ ယိုဝ် ဒူအီ အီ ဟဲ့ ဘဲန် ဂွန် ဒူအီ တး လူင် ဒဲင် ကာဒါယ်၊ ကွယ် ခဲင် န့အု။ ဘော ပွုန် ဘော အာဖုင် ဒင်ခုဝ် အန် ဒီ တာင် ကာဆဝ်။