Popular Bible Verses from Lukas 3

Share

Wan tas kanse folek ketaaft kep waar, is Yeesus aach ketaaft kep. Un, wan Yeesus am peete waar, hot te himel sich uf kemach, un te Hayliche Kayst is runer khom, in form fon en taup, iwich Yeesus. Un fom himel is en xtim khom, woo saat: — Tuu pist mayne liipe Soon un kepst mich fiil frayt.

Awer Yohan saat fer se al: — Ich taafe aych mit waser; awer is yemant am khome woo mee importanter is wii ich, un ich sin es net weyert tëm sayn santaale uf pine. Tee taaft aych mit em Hayliche Kayst un mit fayer.

Macht tings woo tsayche tas teyer aych keroyert hat fon ayre sinte. Un saat net ëne tsum anere: "Meyer sin Aapraham sayn nookhomer". Wayl ich fersichere aych tas sokaar fon tëne xteen Hërkot aach nookhomer fon Aapraham mache khan.

Un ti aks is xon aan kesetst kep fer ti peem an te wortsle ap hake. Yeete paam woo khee kuute fruchte protutseyert, kept ap kehakt un ins fayer keworef.

Tas is paseyert soo wii te profët Isaiias es kexrip hat in sayn puuch: “Yemant is am xraaye im tesërt: Prepareyert te weech tas te Hër torich khan! Macht richte weeche uf fer tee! Yeete taal wërt erfilt un al ti përiche un hiwle wëre klaayche kemach. Ti krume weeche wëre richt kemach, un ti knupiche weeche wëre klat kemach. Un al wëre ti retung siin woo Hërkot kept.”