Popular Bible Verses from Lukas 6

Share

Kep fer ti anere, un Hërkot kept fer aych. Er is soo kuut, tas kaape woo Eyer aych kewe wërt soo fiil sin, tas teyer se net in ayre hënt fest hale khënt. Ti selwich moos woo teyer penutst fer ti anere se mese tuut Hërkot penutse fer aych se mese.

Te kuute mënx pringt foer tas kuutes woo er im hërts hot. Un te xlechte mënx pringt foer tas xlechtes woo er im hërts hot. Wayl tas maul xprecht fon was es hërts fol is.

Macht es keeche teel: Liipt ayre faynte un macht kuutes fer tii. Leent un waart net tsurik kriin was teyer keleent hot un, soo, kriit teyer en kroose prays un wërt khiner fom Heechste Hërkot. Macht tas wayl Hërkot aach kuut is fer ti untankpaare un xlechte.

Sayt paarmhërtsich uf ti anere, soo wii te Himlixe Fater paarmhërtsich uf aych is.

— Julkeyert net ti anere, un Hërkot tuut aych net julkeere. Konteneyert net ti anere un Hërkot wërt aych net konteneere. Fertsayert ti anere, un Hërkot fertsayert aych.

— Awer ich saan fer aych woo mich am heere sayt: liipt ayre faynte un macht was kuut is fer ti woo aych hase. Winxt kuutes fer tii woo aych ferfluuche un peet fer tii woo aych xlecht pehantle tuun.

Macht fer ti anere tas selwiche woo teyer wolt tas tii aych mache.

Wën yemant tich ins kesicht haut, hal ti aner sayt hiin, tas eyer tich too aach truf haue tuut. Wën yemant tayne punx wech hoolt, los em te rest tsaych aach hoole. Kep imer fer yeete ëne woo tich etwas ferlangt; un, wën yemant wech hoolt was tayn is, ferlang es net tsurik.

— Te kuute paam kept khee xlechte fruchte, soo wii te paam woo niks taucht khee kuute fruchte kewe khan.

Also, yeete paam is pekhant weche te fruche woo er protutseyert. Is net meechlich fayche ërnte an en tëner paam, un khee trauwe ërnte an en prënelse xtok.