Popular Bible Verses from Zuga Kèkko 2

Share

Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Na yɔk muktiyaa na muldɛ na alliyɛ ko Tumu hinise dhɔnɛ na chirara lɔga madhɛsɛnɛa ꞉zuga ekko ꞉Yesusi na mɛdhta kali kali.

Na yɔk ɔgɛsɛ ꞉Kuloya Tumu kumulɔng. Na aynɛ yɔk bhɛa mɛzziyɛa tugiya imaggɛa na mɛzzi bhiy bhiy.

Na galiya bo hɛtta ko huroya ɔnnɛna rɔga na ko tumɔ dari ke tiri na munya yɔk dorigiye toye. Na argi gala bo mɛra hɛtta ko kàyyiya lɔmmɛa gochina waldɛa. Na ngɛrnyɛsɛ zugo hana ɛlɛa bhiy bhiy. Na yɔk ɔgɛsɛ ꞉Kuloya Tumu kumulɔng. Na aynɛ yɔk bhɛa mɛzziyɛa tugiya imaggɛa na mɛzzi bhiy bhiy.

Na dha taa mukkinya na ɛl doraa Tumu barara tu kɛngɔ kali kali. Na hɛ doriyoa gɛ na mulnɛ ke ga bo hinisi hɔla na eterrisanɛ Tumu. Na tɛhɛnɛ ꞉zugu kumulɔng. Na kali kali Tumu ibbaysiu zugo lɔga gɛ gɛrsa na lamma na tɔrɔ yɔk.

“ ‘Tumu se nganga, Unga ale wurtune Kuloya nanu ale kajjɛ zugo kumulɔng. Na erroa gu maya ko ga ngaha yogɛsɛnɛ zugo lɔga koyokkoni ꞉anyo. Na karua gu ale orrɛ lɔga kajjɛi ꞉anyo huna kunauny. Na bara gu kunasɛɛnɛ lɔga kajjɛi ꞉anyo.

Na zuga yɛbhbhɛa Yesus bere bhakkɛa ke dhɔnɛ na ahaa gɛ kumulɔng gunynyɛa ke dhɔnɛ. Na gee lɔmmɛ aha na talnɛnɛye birinyaa tallanɛa ngɛrɛsɛnɛ gee chɔllanɛye.

Na ale zuga eliyɛa sara Komoruyny kumulɔng yɔk bassɛyɔ.’

Na hunde kolea Komoruyny bo dhandala dhɔllanɛa diram ngani kugoye, ale su dhittana na ba a mugur. Na tagi bhɔdhinɛ ke nyawa.