Popular Bible Verses from Matiyos 19

Share

Na nɔng gɔnyu yɔk na sɛɛsɛ, “Ngalɔkta bhee ɔanɛ :hiriyɔ ninggɛ. Na nɔng bhɛa Tumu, lɔgɔ ɔninya kumulɔng.”

Na yɔk kalda ngangaye te rɛa dhɔnɛna, na ramman ngani ngayo. Na mɛa zuga bere arrabhbhanna :Tumu, hiriyɔ ngakedhdhi.”

Na nɔng Yesus yagɛsɛ na sɛɛsɛ, “Ngangaye igge lɔga Tumu bere ngani toyito? Nɔng bɛrgua bere kèghendonɛa aha kumulɔng, Komoru Tumu annaa bere ghendono zugo na kona ojjo ke may, kona ojjo ke ngahi, na koo senno, ‘Nganda a bhee bere keghendonɛ yɔk na hira maya dhɔyɛ jɔnɛ ko chɔgɔnɛ na arrabhbhannɛnɛ ko tɛriya nɛnɛ, na rammane anɛ rɛa dhɔnɛnaye.

Na Yesus sɛɛsɛ zuga kɔbhbhɛa nɔng, “Ayɛ erro kohoya bhɛa nanu, ngakanyɛo, ke ngaya zukte lɔ :Tumuye heo ko ngaerroya rɛye.”

Na ngazukta bu mɛr ku sabbaye, yɔk ale a wuru. Na ngagiya bu mɛr ku wuruye ale a gee ku sabbaye.”

Yɔk zukte dhɔttɛ doriyoa gɛ oo gɔynggɛ oo ngɔnigɛ oo choginggɛ oo jugɛ oo erro oo gunya ke bhɛa kɔbhbhɛanyɛa anyeye, ale kɛ̀dhdhɛttan na lɔga gɛ jorronɛ ga bere sabbune jagarɛ kɛngi 100 na chɔɔ kàjjɛ basseya iho dhul.

Na yagɛsɛ :Yesusi na sɛɛsɛ, “Hunde hini bhɛa seni teyɛ hira hɔla hurr ridhing ningginɛnaye, ok tallɛy ahaa lɔmi kumulɔng na birinya aynɛ bhoyoga. Na inye ale kɛdhdhɛttanniny :Tumu ahaa bo dhandala tumɔ. Na hunde mesu nganga na te ushaye, wo na kɔbhanydɔ!”

Na yagɛsɛ :Yesusi na sɛɛsɛ, “Na inye ghinony gee lɔkte challi kɛ ɔng? Nɔng inde chalde a Tumu dhɔnɛnɛ. Na hunde seni ok gɔra basseynyde, bhɛk lɔga ɛlla damiya nɛnɛ toye.”

Na ga kɔ̀tɔrrɛung na taga shɛɛ! Chɔɔ hira aha mɛra bhɛa kènno kɔtɔlɔmɛ :Tumu, hunde galisey kudhul hologuna marsiny, anda a bhaseni.”

Na nɔng mɛa anye kesennagung, hirre kennɛ ko tɛriya nɛnɛ nganga hung hunde ko hir kona kari ngani kɛtɛldito na gam konaye, me lollumo.”

Na Yesus sɛɛsɛ zuga kɔbhbhɛa nɔng, “Ga shigitɔ! Zuga aha mɛra bhɛa senno kɔtɔlɔmɛ ꞉Komoruya tumony a dhandali.