Popular Bible Verses from Spreuke Spreuke Van Salamo 17

Share

'n Vriend het te alle tye lief, en 'n broer word vir teëspoed gebore.

'n Vrolike hart doen goed soos 'n geneesmiddel, maar 'n gebroke gees laat die gebeente droog word.

Hy wat 'n oortreding bedek, soek liefde; maar hy wat 'n saak herhaal, skei baie vriende.

Wie kennis het, spaar sy woorde, en 'n man van verstand is van 'n voortreflike gees.

Selfs 'n dwaas, as hy swyg, word as wys geag; en hy wat sy lippe toehou, word beskou as 'n man van verstand.

Beter is 'n droë stukkie en stilte daarby as 'n huis vol offers met twis.

Die begin van twis is soos wanneer 'n mens water laat uitgaan; laat dus die twis af voordat daar ingemeng word.

Hy wat die goddelose regverdig, en hy wat die regverdige veroordeel, hulle is altwee vir die HERE 'n gruwel.