Popular Bible Verses from Openbaring Openbaring 22

Share

Ek is Alfa en Omega, die begin en die einde, die eerste en die laaste.

En kyk, Ek kom gou; en my loon is by My, om elkeen te gee soos sy werk sal wees.

En die Gees en die bruid sê: Kom! En laat hom wat dit hoor sê: Kom! En laat hom wat dors het, kom. En elkeen wat wil, laat hom die water van die lewe verniet neem.

Geseënd is die wat sy gebooie doen, sodat hulle reg kan hê op die boom van die lewe en deur die poorte in die stad kan ingaan.

Kyk, Ek kom gou; geseënd is hy wat die woorde van die profesie van hierdie boek bewaar.

En daar sal geen nag daar wees nie; en hulle het geen kers of sonlig nodig nie; want die Here God gee hulle lig, en hulle sal as konings heers tot in alle ewigheid.

Hy wat hierdie dinge getuig, sê: Ek kom tog gou. Amen. Tog, kom, Here Jesus. Die genade van Onse Here Jesus Christus sy met julle almal. Amen.

Want ek getuig aan elke mens wat die woorde van die profesie van hierdie boek hoor: As iemand by hierdie dinge byvoeg, sal God oor hom die plae byvoeg wat in hierdie boek geskrywe is. En as iemand die woorde van die boek van hierdie profesie wegneem, sal God sy deel wegneem uit die boek van die lewe en uit die heilige stad en uit die dinge wat in hierdie boek geskrywe is.