Popular Bible Verses from Luka 17

Share

O laam ma ta de nɔɔno wom o we, “Nmo na ke n wo-dedoa de amo tei to mo pɛ se n na yazura. Nam zaŋe n viiri.”

O ná maŋe o ke lwarem o chɔge nmo wo kuni berepɛ dɛ wone, ye o ná jwoori o ba nmo tei kuni berepɛ ye o sɛ we o ke o chɔge, nmo ta jege se n ma n chɛ‑o mo.”

Ba wo dedoa na nɛ we o jaweo kom jei to, o ma pipiri o jwoori Yezu tei ye o tiini o tei Wɛ de kwor-dɛa. O ma vo o to Yezu yiga ne ye o ke o lei. Wolo na ke konto to ye Samaria teo nɔɔno mo.

Konto to, á ta‑á yei á tete. Nmo nu-bu ná ke wɛleere, se n kaane‑o de o na ke kolo to. O nam ná sɛ ye o leiri o wo, se n yage n ma n chɛ‑o.

Yezu ma bwei o we, “Ko dae nɔɔna fuga kam maama yera yam mo fɔge ya kwɛ na? Nogo kom nam bɛ?

Yezu ma leiri-ba o we, “Á ná jege wo-dedoa de amo, ye ko ná maŋe ko ye fenfee yerane se ko maŋe de tio-bu-memeeno tei de, á wó wane á tɔge ko ŋwaane á toŋe totoŋ-kamuna. Á wó wane á ta de kanyɔnɔ konto we, ko gɔ ko vo ko jeiri naneo kom wone, ye ko wó sɛ á ni.”

Wolo maama ná lage se o taa jege o tete ŋwea, konto tu wó ga-ka mo. Wolo maama nam ná sɛ se o ga o ŋwea, konto tu wó na ŋwea Wɛ tei ne.

Yezu déem ma ta de o kwaga tɔgena bam o we: “Wonnu telo na soge nɔɔna pa se ba tusi Wɛ chwoŋa wone to jege se te taa wora mo. Ko nam ná ye wolo na soge nɔɔna pa se ba tusi to, lɛɛro wo kotu tei ne. Ba ya ná jaane nɔɔno wom konto ye ba lei kandwɛ-kamunu o ba ne ba daare ba dole‑o ba yage naneo kom wone pa se o te, konto gare waarem delo o na wó na Wɛ tei ne de o na pɛ se Wɛ bu-balwa dedoa tusi to.

Amo Nabiin-bu wom na wó ba maŋa kalo to wó taa ye nenɛɛne ko déem na ke Noah da yam ne tei to. Kanto maŋa kam ne nɔɔna déem wora yɔɔ yerane mo. Ba maa di ba wodiiru, ye ba daare ba di kaana, ye kaana de maa zoore banna, se ko vo ko yi dɛ dem Noah na zo nabwor-kamunu kom wo to. Na-fɔrɔ laam ma ba ba wɛɛle ba lini logo kom ba chɔge nɔɔna bam maama.