Popular Bible Verses from HMOTAOPAZY 5

Share

Pity nata lyuhchâpazy ta, “Chyhsa bie hlâta Khazohpa bie eima zyh via awpa a châ.

Noh chareih Achhyna o liata nata o to tlypa ta, Zisu cha Mesia a châ tahpa bâh leipa ta pachu ei ta, ama chho lymâ.

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie? Râh cha a y chhôh zydua kha nâma eih châ vei mâ? Na zuah tawh chhao ta nâma rei sai châ pyly vei ma? Khazia he hawhpa hmo tao khohna palôh na hnei tly? Chyhsapa a dôveipa châ va chi, Khazohpa a dôveipa na châ,” tah ta. Cha biezy cha Anania ta a thei nahta, pao ta, thi ha ta. Cha thâtih a theipa maihta chi ngaita ei ta.

Chavâta tahmâ ei cha chho ei, he chyhsazy he hria khah u, âmo y ta y thlâh mawh ei sy. Amâ chhuahpa nata ama hmotaopa he chyhsapa tawhta a châ khiahta la, khâpa hmah châ aw vei. Khazohpa tawhta a châ khiahta deikua cha, âmo he pahleipadia thei aw veih ei chi. Khazohpa a dyuhpa tlao nama châ aw!” tah ta.