Popular Bible Verses from LUKA 3

Share

Chyhsa zydua bâti ama châ khai tawhta, Zisu chhao cha bâti châ hra ta. Thlah a chhâ hai nota, avâ a vaw pahy ta, Thlahpa Pathaihpa cha pôhpa hneipa ta, vachhuh hawhta za chô ta, Zisu chô liata a zâ choh ta. Avâ tawhta ao za pua ta, “Ei Sawchapaw kyh ei pachâpa na châ, na chô liata ei ly ngaita,” tah ta.

Zawhâna ta âmo cha a chhy ta, “Kei ta la ti ta cha bâti ei na ta, châhrasala keima hlâta rônah viapa â vy hai, kei la a pheiky ri a pathlâ tlâh chhao châ va na. Ano ta la Thlahpa Pathaihpa nata mei ta a cha bâti aw ei.

Rona moh phaoh tlâhpa ta pathei teh u. ‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw,” tah ta.

Hrohsopa Isai châbu biezy liata ropa hawhta, “Râhchawhpa liata awhtuhpa ao ta, ‘Abeipa lâthlôh a chhuahdy u la, A lâpizy patlâsa teh u. Saikao to pabiepa châ aw ta, Tlâhpi nata tlâhthlôh to pahnaipa a châ aw. Lâpi akopazy patlâpa châ aw ta, Lâpi chhiepazy pamihpa a châ aw. Chyhsa zydua ta Khazohpa pachhana ama hmô aw,’” tahpa ta bie chho ta.