Popular Bible Verses from LUKA 7

Share

Chavâta ei cha chho, he chanô he cha, a kyhpachâna a hluh ngaitapa vâta a moleina hluhpi kha a ngiahthaipa a châ haw. Ngiahthai awpa a chyh khiahta cha, kyhpachâna chhao a chyh via hra,” tah ta. Chatawhcha chanô hnohta, “Na moleinazy a ngiahthaipa a châ haw,” tah ta.

Zisu ta chanô hnohta, “Nâ ngiapâna ta a cha pachha haw. Thlahlôhpa ta sie mah y,” tah ta.

Mothlih chhaota a hnôh lâta a phei thaby liata a duah ta, chanô mothlih ta Zisu phei cha padâ khai ha ta. A mothlih cha a sâ ta hru ta, Zisu phei cha a pahnâ ta, sathaw ropahâhpa ta a pheizy cha thu ta.

Kei chhao nâ lâ a vy tlâh awpa ta a rao hra va na. A bie ta reih la, nâ chakaotuhpa cha a tlâh thlâh ha aw. Kei chhao he biehneina a chabatuhpa châ na ta, ei ry liata pheisaihzy ama y hra. Pheisaih pakha hnohta, ‘Sie teh,’ tah na ta sie ta; ahropa hnohta, ‘A vy teh,’ tah na ta a vy ta; nâ chakaotuhpa hnohta, ‘He he tao teh,’ tah na ta a tao tyh,” tah ta. Zisu ta cha biezy cha a thei nahta, a chô liata a noâh ngaita ta. Ano zituhpa zawpizy lâ a heih ta, ama hnohta, “Ei cha chho ei, Izarei lia hmahta he tlu ta ngiapâna he hmô va na,” tah ta.

Cha daihti liata, Zisu ta hri ohpa hluhpi nata potlana vâta pasapa nata thlahpa chhiepa ta a patupa hluhpi patlâhpa ta, mochaopa hluhpi mopavâna pie ta. Âmo cha a chhy ta, “Vawh u la, nama hmôpa nata theipazy he Zawhâna kei chho u la, mochaopazy ama mo pavâ ta, pheisypazy phei ta sie ei ta, phawhpazy pathaih ei ta, nahpâpazy nah pavâpa ta, athihpazy pathyupa ta y ei ta, dyhchhiepazy hnohta Thâtihpha chhopa a châ, tahpa ta kei chho teh u.