Popular Bible Verses from PAIKHIATNA 32

Share

Mualtung panin Moses hong tunsuk hakna mite in a theih uh ciangin, Aaron kiangah mite amau mah kikaikhawm tawmin ama kiangah, “Kithawi in; kote’ mai-ah a pai ding pasian hong bawlsak in. Egypt leitang panin eite hong paikhiatpih to Moses ahihleh bang suak khin cih i thei kei hi,” a ci uh hi.

TOPA in Moses kiangah, “Paisuk in; bang hang hiam cih leh Egypt leitang panin nangmah in na paikhiatpih toh mite amau kisiasak uh hi. Ka thupiakna lampi panin amaute kiheikhia pak uh hi. Amau a dingin amaute in a kisung bawngno khat bawlin, tua bia-in a tungah biakna pia uh a, ‘Israel mite aw, hih pen Egypt leitang panin note hong paikhiatpih to na pasian uh ahi hi!’ ci uh hi,” a ci hi.

Aaron in hih thu a muh ciangin, amah in tua mai-ah biakna tau khat lam a, “Zing ciang pen TOPA a’ ding pawi bawl ni hi ding hi,” ci-in zaksakna a bawl hi. Amaute zingsangin tho baih uh a, meihal biakna pia-in thunuama biakna zong a paipih uh hi. Pawi an ne-in mite tu uh a, zu khamin numei pasal kisawk ngeingai uh hi.

A zingsang ciangin Moses in mite kiangah, “Note in khialhna lianpi khat na bawl khin uh hi. Tu-in TOPA’ kiangah kei ka pai ding a, note’ khialhna thu-ah kilemna ka va bawl thei kha ding hi,” a ci hi.