Popular Bible Verses from LUKA 3

Share

Mi khempeuh a kituiphum khit uh ciangin Jesuh zong a kituiphum hi. Jesuh in thu a nget laitakin vantung kihong a, vakhu pumpi lim nei-in Kha Siangtho ama tungah hong kumsuk hi. Tua laitakin vantung panin aw khat hong ging a, “Nang pen ka it ka Tapa na hi a, nangma tungah ka lungkim mahmah hi,” a ci hi.

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpitakin a lianzaw khat hong pailai ding hi. Ama khedap khau a sutsak ding nangawnin kei ka kilawmzo nai kei hi. Amah in Kha Siangtho le mei sungah note hong phum ding hi.

Na kisikna uh a kilat nadingin gamta un. Note khatlekhat in, ‘Abraham’ suante ihi ngawn hi,’ mawkcih kei un. Ke’n kong cihin-ah, Pasian in hih suangte nangawn Abraham’ suanlekhakte-in bawl thei lel hi.

Tu mahmahin sing a bulphuk dingin hei tawh kingimzo hi. Gah hoih a gah lo singkung khempeuh kiphukin meikhuk sungah kikhul ding hi,” a ci hi.

Isaiah in hih bangin na gelh hi: “Gam sungah mi khat kiko a, ‘Topa’ pai nading lampi bawl unla, a tot ding lampi tangsak un. Kuam thuk khempeuh kivukdim ding a, mual lian mual neu khempeuh kitotam ding hi. Lam kawite kitangsak ding a, a leihumte kinelsak ding hi. Mi khempeuh in Pasian’ hotkhiatna ngah ding uh hi,’” ci-in a kigelh hi.