Popular Bible Verses from Mataayo 2

Share

Mmbe, mbeengira mu-nyumba iyo, mbarora omwana na Maryamu nyiramwene, mbeefukamira omwana okumuramya. Mbasurumura ebhikapo bhyebhwe, mbasoosha-mo emisanga gya bhugusi bhunene, iijaabhu, obhubhaani, na amafuta ganu agarangirira kujomu, mbayaana omwana.

Yeesu ꞉eebhuuywe mu-musi gwa Bhetereemu ya Ebhuyawudi mu-kabhaga ka obhutungi bhwa omukama Yerode Omukuru. Mmbe, ku-kabhaga kayo, abhamenyegesha bha ginjota bhanu ꞉bhaasookaga mu-bhyaro bhya ebhuwuruka esuubha, ꞉bhaayikire mu-musi gwa Yerusareemu. Abhamenyegesha bhayo ꞉bhaariga mbabhuusha ati, “Ari aaki omukama wa Abhayawudi unu ꞉eebhuuywe? Kimenyere ati eebhuuywe kwa okubha ꞉kyarorere injota yaaye ewaasu eyo ebhuwuruka esuubha. Na kiyo nikyo kyakora eswe kiije okumuramya.”

꞉Bheejire bhaarora injota irya niiyambaara, mbajomerwa muno.

Mmbe, Nyamuwanga ˆnaagaanya abhamenyegesha bha ginjota bhayo mu-kirooto, ati bhaasiga okusubha kweki ku-Yerode. Mbeemuka, mbasubha eweebhwe nawe ꞉bhataasubhiiye ku-njira inu ꞉bheejiiye-ko. Bhunu abhamenyegesha bha ginjota bhayo ꞉bheemukire, niwe maraayika wa Raatabhugenyi Nyamuwanga ˆneejira Yuusufu mu-kirooto, ˆnaamubhwira ati, “Iimuka! Ugege omwana na nyiramwene, mwirukire mu-kyaro kya Miisiri. Mwikare eyo okuyikira anu niribhabhwirira okusubha, kwa okubha Yerode kaagara okwita omwana.”