Popular Bible Verses from Mataayo 23

Share

Omuunu woonewoone unu aribha omukuru kw-imwe, niwe abhe omujuuma weemwe.

Omuunu woonewoone akeegega, Nyamuwanga kaamutuura emwaro. Na omuunu akeetuura emwaro, Nyamuwanga kaamutuura iiguru.

“Garibhanyoora, emwe abheeyigisha bha ebhiraagiro bhya Musa na Abhafarisaayo! Bhabheeyi emwe, kwa okubha omusoosisha Nyamuwanga na iijaaka ya ebhiinu ebhitooto rwa ebhirungo bhya ebhyokurya, na ebhinjaari. Nawe omusiga amangʼana amanene aga ebhiraagiro bhya Musa. Omusiga okukora obhurengeresi, okufwira abhaanu ekigongo, na obhwikirisha. Omwendwa mukore gayo goone kutyo, na agandi garya mwasiga okugasiga.

“Garibhanyoora, emwe abheeyigisha bha ebhiraagiro bhya Musa na Abhafarisaayo. Bhabheeyi emwe, kwa okubha omwosha anja wa ekikombe na orutubha, nawe omusiga okwosha bhinu bhirimo, bhinu munyoorere okuturira obhwifi, na okurema okwiyiinya kwemwe.

Niwe Yeesu ˆnaaika ati, “Awe Yerusareemu, Yerusareemu! Awe owiita abharagi, na abhaanu abhandi bhaakatumwa ku-awe, owubhabhuma na amagina. Neendere kaafu okukumanya amwi abhaana bhaawo, rwa iingʼoko kutyo eyikumanya ebhijuuju bhyayo mu-mabhabha, nawe emwe mutakwenda!

Emwe mwone nikwo kutyo muri, ku-kuringira, abhaanu abhabharora ati muri bharengeresi ku-Nyamuwanga, nawe ekimari ni ati mu-mitima gyemwe muri bhabheeyi, na muri bhajeemi.”