Popular Bible Verses from Mataayo 5

Share

Na abhaanu bhatakukongeesha intara mbayifundikira mw-idebhe. Tari abhayituura ku-kisiri insonga imirikire abhaanu bhoone kutyo mu-nyumba. Nikwo kutyo eyeendwa obhweru bhwemwe bhumirikire abhaanu, insonga bhagungye Esomwana unu ari mu-rwire, bhakarora ebhikorwa bhyemwe ebhijomu.”

“Muri rwa obhweru ku-kyaro. Omusi gunu guumbakirwe iiguru ku-kiima, gutakutura okwiyibhisa.

Nyakara bhanu bhari na emitima emyeru, kwa okubha bharirora Nyamuwanga.

Nyakara bhanu bhari na omweko na obhwiro bhwa obhurengeresi, kwa okubha Nyamuwanga aribheegutya.

Nawe anye enibhabhwira ati, mwende abhasoko bheemwe, bhanu abhabhanyansha mubhasabhire ku-Nyamuwanga.

“Nyakara abha emyoyo emitobhu, kwa okubha obhukama bhwa mu-rwire ni bhwebhwe.

Nyakara abhagwatanya bha bhanu bhasokeene, kwa okubha bhayo bharibhirikirwa bhaana bha Nyamuwanga.

Nyakara bhanu bhasurumbaaye, kwa okubha Nyamuwanga kaaja okubhawooyeresha.

Nyakara bhanu abhanyansibhwa ku-nsonga ya okukora amarengeresi, kwa okubha obhukama bhwa mu-rwire ni bhwebhwe.

Nyakara bhanu abhafwira abhandi ekigongo, kwa okubha Nyamuwanga aribhafwira ekigongo.

“Nyakara emwe raabhe abhaanu bhakabhafuma, mbabhanyansha na okubhabheeyeresha amabhiibhi goone kutyo, ku-nsonga yaani. Mujomerwe, mubhe na orugirigiri, kwa okubha Nyamuwanga abhatuuriiye-wo ekiyaanwa kinene mu-rwire. Mwasiga okuruguura kwa okubha nikwo kutyo ꞉bhaanyansiishe na abharagi bha kara.”

Nyakara abhafura, kwa okubha bhayo nibho bharigabha ekyaro.

“Emwe muri rwa omuunyu mu-kyaro. Omuunyu gukabhusha omuta gwago, kitariwo kiinu kya kugusambaarusha kweki, ogweswa iibhara ngutajwa na abhaanu.

Mmbe, mubhe na ntungwa njomu rwa Esomwana wa mu-rwire kutyo ari.”

Tari ekimari kyemwe kibhe ‘kimari,’ na rinu ritari kimari mwaike ati ‘itari kimari.’ Amangʼana ga okwongesha-ko goone kutyo, agasooka ku-Sitaani.”

Yeesu ˆnaagenderera okubhabhwira ati, “Mwoonguuywe amangʼana ganu agaaika ati, ‘Eriiso na eriiso, eriino na eriino.’ Nawe anye enibhabhwira ati, mwasiga okuriya amabhiibhi ku-muunu unu abhakoreeye amabhiibhi. Tari, raabhe omuunu akakubhuma ku-kisaya ebhuryo, muyindurire abhume na ebhumosi.

Mmbe, raabhe eriiso ryawo erya ebhuryo erikuyabhya, urisooshe-mo uryese areera eyo. Nyakara ubhurwe ekigwatanya ekimwi ekya omubhiri, nawe uwonʼye omubhiri gwawo, gwasiga kweswa mu-muriro gunu gutakusimá. Na okubhoko kwawo okwa ebhuryo kukakuyabhya, kubhuture-ko, ukwese areera eyo. Nyakara ubhurwe ekigwatanya ekimwi ekya omubhiri, nawe uwonʼye omubhiri gwawo, gwasiga kweswa mu-muriro gunu gutakusimá.”