Popular Bible Verses from खास चेलामन केर काम 1

Share

मगर जब पवितर आत्मा तोहर उपरे आवी तब तोहरेमन शक्ति पाबा, आउर यरुशलेम शहर आउर गोटा यहूदिया आउर सामरिया परदेस में, आउर धरती केर आखरी छोर तक सोउब आदमीमन के मोर बारे में गवाही देबा।”

यीशु उमन के जबाब देलक, “उ समयमन या घटनामन कहिया होवी, इके ठहराएक केर अधिकार सिरिफ मोर आबा ठिना अहे, इके जानेक केर जरुरत तोहरेमन के नखे।

एक बेर यीशु अपन खास चेलामन केर संगे रहे तब उमन के आगया देलक। “यरुशलेम शहर के ना छोड़बा, मगर उ दान केर आसरा देखते रहबा, जेके मोर आबा तोहरेमन के देवेक केर करार काइर हे, जेकर बारे में तोहरे मोर से सुइन चुइक हा। काले कि यूहन्ना तो पानी में बपतिस्मा जल संस्कार देई हे मगर थोरेक दिनमन केर पाछे परमेश्‍वर तोहरे के पवितर आत्मा से बपतिस्मा संस्कार देवी।”

उ दुःख उठाएक आउर मोरेक केर पाछे ढेइर पक्का सबूतमन से खुद के उ मनक माझे जिंदा देखालक। आउर चालीस दिन तक उ चेलामन के देखाई देते रहलक, आउर परमेश्‍वर केर राइज केर बारे में बताते रहलक।

इ सोउब कहेक केर पाछे परमेश्‍वर यीशु के उ मनक देखते-देखते स्वरग में उठाय लेलक आउर बदरी केर चलते उमन उके आउर देखेक नी पारलैं।

उकर जाएक बेरा जब उमन आकाश बटे देखत रहैं, तब अचका दूई झन आदमीमन चरका लुगा पिंधल उमन ठिना आय के ठड़ाय गेलैं। आउर उमन से कहलैं, “हे गलील परदेस केर आदमीमन, तोहरे काले ठड़ाय के आकाश बटे देखाथा? एहे यीशु, जेके परमेश्‍वर तोहर ठिना से स्वरग में उठाय लेलक, ठीक एहे लेखे दोबारा आवी, जे लेखे तोहरे उके स्वरग में जाते देखला।”