Popular Bible Verses from यूहन्ना 15

Share

मोंय अंगूर केर बुदा नियर अहों, तोहरेमन उकर लरंग नियर अहा, जे लेखे लरंग अंगूर केर बुदा में जुड़ल रहेला, तब उ फारेला, सेहे नियर जे मोर में बनल रहेला आउर मोंय उकर में बनल रहोना, तो उ बगरा फरेला, काले कि मोर से अलग होई के तोहरेमन कोनोवें करेक नी पारबा।

तोहरेमन मोर में बनल रहा आउर मोंय तोहर में बनल रहमूँ। जे लेखे लरंग अगर अंगूर केर बुदा में बनल नी रही, तो खुद से फारेक नी पारी, तइसनेहें तोहरेमन हों अगर मोर में बनल नी रहबा, तो कोनोवें करेक नी पारबा।

अगर तोहरेमन मोर में बनल रहबा, आउर मोर बचन तोहर में बनल रही, तो तोहरेमन के जे चाही उके माँगबा, तो मोंय तोहर लगिन उके देमूँ।

तोहरेमन मोके नी चुनला मगर मोंय तोहरेमन के चुनलों आउर ठहरालों। ताकि तोहरेमन दुनिया केर आदमीमन ठिना जाय के फार लानबा आउर तोहर फार बनल रहोक, काले कि तोहरेमन मोर चेला हेका से लगिन तोहरेमन के जे कोनों चाही, उके मोर नाँव लेई के मोर आबा परमेश्‍वर से माँगबा, तो उ तोहरेमन के देई देवी।

सोउब से बड़का प्रेम जे तोहरे अपन संगीमन केर लगिन देखाएक पाराला, उ इ हेके कि उमन लगिन जान के देवेक। इकर से बड़का प्रेम आउर कोनों नखे।

जे लरंग मोर में जुड़ल अहे, आउर उ नी फारेला, तो उके मोर आबा परमेश्‍वर काइट देवेला, आउर जे लरंग फारेला, उके आबा परमेश्‍वर छाँटेला ताकि उ लरंग ढेइर फारोक।

मोर आगया इ हेके, ‘जइसन मोंय तोहरेमन से प्रेम काइर हों, तइसनेहें तोहरेमन हों एक-दोसर से प्रेम करा।’

मोर आबा परमेश्‍वर केर महिमा इकरे से होवेला कि तोहरेमन ढेइर फार लाना, तब तोहरेमन मोर चेला कहाबा।

यीशु कहलक, “मोंय असली अंगूर केर बुदा नियर अहों, आउर मोर आबा परमेश्‍वर किसान नियर अहे।

अगर जे आदमी मोर में बनल नी रहेला, तो उके नी फारेक वाला लरंग नियर काइट के फेइक देवल जायला, आउर उ सूइख जायला, आउर आदमीमन उके ठुराय के पोड़ाय देवैना।

मोंय तोहरेमन से इ गोइठमन के इ लगिन कइह हों कि जे खुशी मोर में अहे ओहे खुशी तोहर में बनल रहोक, ताकि तोहर खुशी पूरा होई जाओक।

अगर तोहरेमन मोर आगयामन के मानबा, तो मोर प्रेम में बनल रहबा, जइसन मोंय अपन आबा परमेश्‍वर केर आगयामन के मानोना, आउर उकर प्रेम में बनल रहोना।

मोंय तोहरेमन के इ आगयामन के इ लगिन देवाथों कि तोहरेमन एक-दोसर से प्रेम करा।

अगर तोहरेमन दुनिया केर आदमीमन नियर होता, तो दुनिया केर आदमीमन अपन जाइन के मन से प्रेम करतैं, मगर तोहरेमन दुनिया केर आदमीमन से नाता नी रखाला। काले कि मोंय तोहरेमन के दुनिया केर आदमीमन में से चुइन लेई हों। एहे लगिन दुनिया केर आदमीमन तोहरेमन से बैर करैना।